బిచ్చగాడు డైరక్టర్ తెలుగు సినిమా

బిచ్చగాడు సినిమా తెలుగునాట ఎంత సూపర్ డూపర్ హిట్ అయిందో అందరికీ తెలుసు. ఆ సినిమా డైరక్టర్ శశి. తమిళంలో బిచ్చగాడుకు ముందు కూడా కాస్త హిట్ సినిమాలే చేసాడు. ఆయనే విజయ్ ఆంటోనీ మ్యూజిక్ డైరక్టర్ ను చేసింది, ఆ తరువాత హీరోగా నిలబెట్టింది కూడా. ఇప్పుడు ఆ డైరక్టర్ చూపు తెలుగు సినిమా మీద పడినట్లు తెలుస్తోంది.

బిచ్చగాడు డైరక్టర్ గా తెలుగునాట పబ్లిసిటీ ఈజీగా వస్తుంది. అందుకే ఈసారి తెలుగు హీరోతో తెలుగు-తమిళ భాషల్లో సినిమా చేయాలని చూస్తున్నాడు. ఇప్పటికే ఓ యంగ్ హీరోకు కథ నెరేట్ చేసాడు. కథ ఓకె అయినట్లు తెలుస్తోంది. మిగిలిన టెర్మ్ లు, నిర్మాతలు సెట్ అయితే తెలుగు తెరకు మరో తమిళ డైరక్టర్ పరిచయం అవుతాడు. 

బిచ్చగాడు సినిమాలో మదర్ సెంటిమెంట్, ఫన్ రెండూ స్మూత్ గా పండించిన శశి, తెలుగు జనాల పల్స్ కు దగ్గరగానే వున్నాడు. అందువల్లే తెలుగు సినిమా ఆలోచనలు చేస్తున్నట్లుంది.