cloudfront

Advertisement


Home > Movies - Movie Gossip

అయ్యో పాపం.. ఒక్క సినిమాకే శ్రీనువైట్ల సరసన!

అయ్యో పాపం.. ఒక్క సినిమాకే శ్రీనువైట్ల సరసన!

శ్రీనువైట్ల బ్యాక్ టు బ్యాక్ ఫ్లాపులిచ్చాడు. వినాయక్ కూడా ఈమధ్య వరుసగా ఫ్లాపులిస్తూ వస్తున్నాడు. ఈ లిస్ట్ లో పూరి జగన్నాధ్ కూడా కొనసాగుతున్నాడు. కానీ ఒకే ఒక్క ఫ్లాప్ తో ఏకంగా ఈ జాబితాలోకి చేరిపోయాడు బోయపాటి శ్రీను.

ఇండస్ట్రీలో రాజమౌళి తర్వాత హయ్యస్ట్ సక్సెస్ రేట్ ఉన్న దర్శకుడు బోయపాటి. అప్పుడెప్పుడో దమ్ము రూపంలో ఓ ఫ్లాప్ తగిలింది. మళ్లీ రీసెంట్ గా వినయ విధేయ రామతో మరో ఫ్లాప్ ఇచ్చాడంతే. కానీ బోయపాటిని పైన చెప్పుకున్న దర్శకుల లిస్ట్ లోకి చేర్చేశారంటే, వినయ విధేయరామ ఏ రేంజ్ ఫ్లాపో అర్థం చేసుకోవచ్చు.

కేవలం 2 ఫ్లాపులతో దర్శకుడి కెరీర్ ముగిసిపోదు. మరీ ముఖ్యంగా బోయపాటి లాంటి మాస్ దర్శకుడు రెండు ఫ్లాపులకే దుకాణం సర్దేయడు. కానీ బోయపాటిని పైన చెప్పుకున్న క్యాటగిరీలోకి చేర్చేశారంటే దానికి కారణం వినయ విధేయరామ సినిమాలో కథ, స్క్రీన్ ప్లే.

ఈ సినిమా చూసిన ప్రతి ఒక్కరు బోయపాటిలో జ్యూస్ అయిపోయిందంటున్నారు. 90ల నాటి కథ, టేకింగ్ తో ఈ సంక్రాంతిని నీరుగార్చేశాడంటూ బోయపాటిపై కామెంట్స్ చేస్తున్నారు. వినయ విధేయ రామకు ప్రస్తుతానికి మంచి వసూళ్లు రావొచ్చు.

కానీ కచ్చితంగా ఈ సినిమా చూసి మరో హీరో బోయపాటికి అవకాశమిచ్చే పరిస్థితి లేదు. తన ప్రతి ఇంటర్వ్యూలో బోయపాటి చెబుతున్న హీరోలెవరూ ఈసారి అతడికి ఛాన్స్ ఇవ్వకపోవచ్చు. బోయపాటి తన నెక్ట్స్ సినిమాను ఎవరితో తీస్తాడో చూడాలి.

కేసీఆర్, చంద్రబాబు ఫ్రంట్ గెలుపెవరిది? 

ఎన్టీఆర్ బయోపిక్ః ఒకవైపే చూడు..!