Epaper
ఉరుములేని పిడుగలా వస్తోంది రామ్ చరణ్-బోయపాటి కాంబినేషన్ లోని వినయ విధేయ రామ ట్రయిలర్. ఈ సినిమా మీద ఫ్యాన్స్ లో విపరీతమైన ఆసక్తి వుంది. బన్నీ మాస్ హీరో కొరిక తీర్చిన బోయపాటి, ఈ సినిమాతో రామ్ చరణ్ ను కూడా ఓ రేంజ్ లో ప్రొజెక్ట్ చేస్తాడనే ఆశ వుంది. కానీ సినిమాకు సంబంధించి సరైన అప్ డేట్స్ ఎప్పటికి అప్పడు ఇవ్వడంలేదని దర్శకుడు బోయపాటి మీద అసంతృప్తీ వుంది.
ఇప్పటికి రెండు పాటలు వదిలారు. ఇంకా మిగిలిన పాటలు వదలాలి. ఇలాంటి నేపథ్యంలో ఈరోజు ప్రీరిలీజ్ ఈవెంట్ జరుగుతోంది. ట్రయిలర్ వస్తోంది. రామ్ చరణ్ సినిమా ట్రయిలర్ అనేకన్నా బోయపాటి సినిమా ట్రయిలర్ అనే అనుకోవాలి. కచ్చితంగా ఆ మార్క్ తోనే వుంటుంది. అందులో సందేహంలేదు. ఈ ట్రయిలర్ కట్ ను బట్టే, సినిమా బజ్ ఏ రేంజ్ కు వెళ్తుందనేది ఆధారపడి వుంటుంది.
అయితే బోయపాటికి మాస్ పల్స్ తెలుసు. అస్సలు డిస్సపాయింట్ చేయడనే అభిమానుల నమ్మకం. పైగా బోయపాటికి మెగాస్టార్ చిరుతో సినిమా చేయాలని కోరిక వుంది. దానికి బాటవేసే రామ్ చరణ్ సినిమాను కచ్చితంగా ఓ అవకాశంగా వాడుకుంటాడనే అనుకోవాలి. దేవీ ఆర్ ఆర్ చేసేపనిలో బిజీగా వున్న ట్రయిలర్ ఈరోజు సాయింత్రం తరువాత విడుదలవుతుంది.