బుచ్చిబాబు..ఎన్టీఆర్..లోకల్ ట్వీట్

ఎన్టీఆర్ బర్త్ డే సందర్భంగా ప్రశాంత్ నీల్ సినిమాకు టోకెన్ నెంబర్ వచ్చింది. ఆర్ఆర్ఆర్…కొరటాల శివ సినిమా..ఆపై ప్రశాంత్ నీల్ మూవీ అన్న క్లారిటీ వచ్చింది. ఇలాంటి టైమ్ లో ఉప్పెన బుచ్చిబాబు కూడా ఓ ట్వీట్ వేసేసారు. 

LET'S CREATE A TREND telling a LOCAL STORY GLOBALLY

ఈ లైన్ బుచ్చిబాబు ట్వీట్ లో కీలకం. అంటే మళ్లీ పక్కా ఓ లోకల్ స్టోరీతో పాన్ ఇండియా సినిమా చేయాలన్న ప్రయత్నం ఏమో? బాగానే వుంది.

ఎప్పటి నుంచో ఈ కాంబినేషన్ వినిపిస్తోంది. కానీ ఆర్ఆర్ఆర్ తరువాత కొరటాల, ప్రశాంత్ నీల్ తరువాత ఎన్టీఆర్ చరిష్మా ఏ లెవెల్ లో వుండబోతోందో ఇప్పటికి ఊహించేది కాదు.

అలాంటి నేపథ్యంలో ఎన్టీఆర్ కోసం ఎవరెవరు వస్తారో? అన్నది కూడా ఇప్పుడే చెప్పలేం. అలాంటిది బుచ్చిబాబుకు ఎన్టీఆర్ కమిట్ అయ్యారా? అన్నది ఓ అనుమానం. అలా కమిట్ అయి వుంటే దానికి కూడా ఓ టోకెన్ నెంబర్ ఇచ్చి వుండేవారు కదా?

సరే, ఆ సంగతి అలా వుంచినా 2022 ఆర్ఆర్ఆర్ కే సరిపోతుంది. కొరటాల సినిమా, ప్రశాంత్ నీల్ సినిమా 2023 అనుకుంటే బుచ్చిబాబు టర్న్ వచ్చేసరికి 2024 వస్తుంది. అంటే దాదాపు మూడేళ్లకు పైగా ఖాళీగా కూర్చుంటారా? లేక చరణ్ తోనో మరెవరితోనో ఓ ట్రయిల్ వేస్తారా? వెయిట్ అండ్ సీ.