Epaper
త్రివిక్రమ్ తో సినిమా ఇంకా స్టార్ట్ కాలేదు. కానీ మురుగదాస్ కు మాత్రం తరువాత సినిమా మీతోనే అని బన్నీ గ్రీన్ సిగ్నల్ ఇచ్చేసినట్లు తెలుస్తోంది. వాస్తవానికి విక్రమ్ కే కుమార్ కూడా వున్నారు బన్నీ జాబితాలో. దాదాపు ఏడాదికాలం పాటు దగ్గర వుంచుకుని, ఆఖరికి పంపేసారు. నానితో సినిమా చేసే ప్రయత్నాల్లో బిజీగా వున్నారు విక్రమ్ కే కుమార్.
అది అయ్యాక బన్నీ సినిమా వుంటుందని టాక్ అయితే వుంది. కానీ ఇప్పుడు లేటెస్ట్ గా వినిపిస్తున్న దానిప్రకారం ఇక వుండకపోవచ్చు. ఆ ప్లేస్ లోకి మురుగదాస్ సినిమా వస్తుందని తెలుస్తోంది. త్రివిక్రమ్ తో సినిమా ఫిబ్రవరిలో ముహూర్తం చేసుకుని, మార్చి నుంచి మొదలవుతుంది.
త్రివిక్రమ్ సినిమాను ఆరేడు నెలల్లో ఫినిష్ చేసి, ఆపైన మురుగదాస్ తో సినిమా చేయాలన్నది బన్నీ ఆలోచగా తెలుస్తోంది. మరి ఇంతకీ క్రిష్ తో సినిమా ఎప్పుడు వుంటుందో? బయోపిక్ తరువాత బన్నీతో క్రిష్ సినిమా వుంటుందని ఆ మధ్య వినిపించింది. ఒకవేళ అదే ఫిక్స్ అయితే విక్రమ్ కుమార్ వెనక్కు వెళ్లినట్లు మురుగదాస్ కూడా వెనక్కు వెళ్లిపోతాడేమో?