చైతూ సినిమా డైరక్టర్ ఛేంజ్?

చిన్న చిన్న సినిమాలు తీసుకుంటూ, నలుగురితో మంచిగా వుంటూ కెరీర్ సాగిస్తున్న డైరక్టర్ శ్రీనివాస రెడ్డి. అలాంటి వ్యక్తికి ఏకంగా నాగ్ ను డైరక్ట్ చేసే ఛాన్స్ వచ్చింది. అదీ పెద్ద సినిమా పైగా ఫాంటసీ గ్రాఫిక్ సినిమా. కానీ బ్యాడ్ లక్ ఇన్ టైమ్ లో విడుదల కాలేకపోయింది. జనాన్ని రంజింపచేయలేకపోయింది. 

పైగా ఆ సినిమా సమయంలో మాట ఇచ్చారు నాగ్..చైతన్యతో సినిమా చేద్దామని. కొబ్బరి కాయ కొట్టారు కూడా. కానీ ఆగిపోయింది. ఇన్నాళ్లుగా మరో సినిమా లేకుండా అలాగే వుండిపోయారు శ్రీనివాసరెడ్డి. ఇప్పుడు ఆ సినిమాను మళ్లీ పట్టాల మీదకు తెస్తారట. 

దీనికి నిర్మాత సి కళ్యాణ్. ఆ సినిమాను తీస్తామని, అయితే డైరక్టర్ ను మారుస్తామని అంటున్నారు నిర్మాత కళ్యాణ్. దానికి బదులుగా శ్రీనివాసరెడ్డి చిన్న సినిమా ఒకటి చేస్తామని కూడా అంటున్నారు. నమ్మగలమా? కంటితుడుపు మాటలా?