చైతూ సినిమాకు బోలెడు అట్రాక్షన్లు

మొత్తానికి ప్రేమమ్ సినిమాకు ఫిక్స్ అయ్యాడు నాగ్ చైతన్య. ఈ సినిమాను ఎలాగైనా తిరుగులేని హిట్ గా మార్చాలని డిసైడ్ అయ్యాడట. పైగా నిర్మాత రాధాకృష్ణ, ఆయనకు నేస్తం త్రివిక్రమ్ శ్రీనివాస్ వుండనే వున్నారు. డబ్బులకు వెనుకాడరు రాధాకృష్ణ. ఐడియాలకు కొదవలేదు త్రివిక్రమ్ కు.  

ఇప్పటికే చందు మొండేటికి స్క్రిప్ట్ పని అప్పచెప్పేసారట. ఈ సినిమాకు కొన్ని కీలకమైన అట్రాక్షన్లు జోడించి, సినిమాకు మాగ్జిమమ్ హైప్ తీసుకురావలని భావిస్తున్నట్లు తెలుస్తోంది. ఈ సినిమాకు ముగ్గురు హీరోయిన్లు కావాలి. వాళ్ల ఎంపికతోనే సినిమాకు ఓ రేంజ్ తేవాలనుకుంటున్నారు.

అంతే కాదు కొన్ని గెస్ట్ అప్పీరియన్స్ లు కూడా వుంటాయని వినికిడి. మొత్తానికి చైతూ పట్టుదలగా ఓ మాంచి హిట్ కోసం చూస్తున్నట్లుంది.