చైతూ సరసన సమంత ఫిక్స్

పెళ్లి అయిన తర్వాత సమంత.. చైతూ కాంబినేషన్ మీద చాలా గాసిప్ లు వచ్చాయి. ముఖ్యంగా మారుతి దర్శకత్వంలో తయారయ్యే శైలజరెడ్డి అల్లుడు సినిమాలో వారిద్దరు కలిసి నటిస్తారు అనుకున్నారు.

కానీ అలా జరగలేదు. అప్పటికి సమంతకు చాలా కమిట్మెంట్ లు ఉన్నాయి. ముఖ్యంగా రంగస్థలం పూర్తి చేయాలి. అయితే ఇప్పుడు సమంత అభిమానులకు శుభవార్త. తన ప్రేమికుడు.. భర్త చైతూతో కలిసి సమంత ఓ సినిమా చేయబోతోంది.

ఈ కాంబినేషన్ ను సెట్ చేసింది రచయిత.. దర్శకుడు.. నిర్మాత అయిన కోన వెంకట్. ఆ మధ్య ఆయన నిన్నుకోరి అనే సినిమాను దానయ్యతో కలిసి నిర్మించారు. ఆ సినిమా దర్శకుడు శివ నిర్వాణతో ఓ సినిమా చేయాలని చైతూ అనుకుని లాక్ చేశారు.

ఈ విషయం గతంలోనే వెల్లడించాం. ఇప్పుడు ఈసినిమాలో హీరోయిన్ గా సమంతను ఫిక్స్ చేశారు. బ్యానర్ దానయ్య, కోన వెంకట్ దే. ప్రస్తుతం చేస్తున్న సవ్యసాచి, శైలజరెడ్డి అల్లుడు పూర్తి కాగానే ఈ సినిమా స్టార్ట్ అవుతుంది.