చరణ్ సినిమా మరో వారం వాయిదా

యూనిట్ ఇచ్చిన సమాచారం ప్రకారం నిన్నట్నుంచి రామ్ చరణ్ కొత్త సినిమా షెడ్యూల్ ప్రారంభం కావాలి. రాజమండ్రి పరిసర ప్రాంతాల్లో ఈ సినిమా షూటింగ్ స్టార్ట్ అవుతుందని నిర్మాతలు ప్రకటించారు. కానీ చరణ్ సినిమా మరోసారి వాయిదా పడింది. చరణ్ అసలు ఇండియాలోనే లేడు. భార్యతో కలిసి యూరోప్ దేశాల్లో పర్యటిస్తున్నాడు. ప్రస్తుతం లండన్ లో ఉన్నాడు.

ఎండలు ఎక్కువగా ఉంటే షెడ్యూల్ పోస్ట్ పోన్ చేస్తామని ముందే ప్రకటించారు నిర్మాతలు. ఇదే కారణంతో సెకెండ్ షెడ్యూల్ ను కూడా 4 రోజులకే ముగించారు. ఇప్పుడు ప్రారంభం కావాల్సిన షూట్ కూడా వారం రోజులు ఆలస్యంగా 8వ తేదీ నుంచి స్టార్ట్ అవుతుంది. తాజా షూటింగ్ కోసం రాజమండ్రి దగ్గర్లో ఓ భారీ సెట్ నిర్మించారు. చరణ్ పై అక్కడ ఓ ఇంట్రడక్షన్ సాంగ్ తీయబోతున్నారు.

సినిమాకు సంబంధించి దర్శకుడు సుకుమార్ ఇప్పటికే 4 టైటిల్స్ అనుకున్నాడు. చిరంజీవి చైనా నుంచి వచ్చిన వెంటనే టైటిల్ ఫైనలైజ్ చేసి ప్రకటిస్తారు. జూన్ 8 నుంచి జరగనున్నషెడ్యూల్ కంప్లీట్ అయిన వెంటనే టైటిల్ ప్రకటిస్తారు.