చిరుకి సెంటిమెంట్ ట‌చ్ ఇచ్చిన కృష్ణవంశీ

చిరంజీవి 150వ చిత్రం ప్రస్తావ‌న‌కు వ‌చ్చిన తొలి రోజుల్లో ద‌ర్శకుడిగా కృష్ణవంశీ పేరు కూడా వినిపించింది. కృష్ణవంశీ కూడా చిరంజీవితో సినిమ చేయ‌డానికి చాలా ఉత్సాహం చూపించారు. వందేమాత‌రం అనే క‌థ కూడా రాసుకొన్నారు. ఆ క‌థ‌ని.. చిరునే క‌రెక్ట్ అన్నది కృష్ణవంశీ న‌మ్మకం. ఓసారి ఈ క‌థ‌ని నేరేట్ చేశాడు కూడా. అయితే ఆ ప్రాజెక్ట్ ప‌క్కకు వెళ్లిపోయింది. 

ఇప్పుడు కాక‌పోయినా ఈ సినిమా ఎప్పుడో ఒక‌ప్పుడు ఉండ‌క త‌ప్పద‌న్నది ప‌రిశ్రమ వ‌ర్గాల అభిప్రాయం. ఇప్పుడు కృష్ణవంశీ కూడా ఈ మాట‌ల‌కు ఊతం ఇస్తున్నాడు. మ‌రోసారి వందేమాత‌రం ప్రస్తావ‌న తీసుకొచ్చాడు. “వందేమాత‌రం నా డ్రీమ్ సినిమా. త‌ప్పకుండా చేస్తా. ఆ సినిమా చేసే చ‌చ్చిపోతా. అది చేయ‌కుండా మాత్రం వెళ్లను“ అని ఎమోష‌న‌ల్ టచ్‌కూడా ఇచ్చాడు. 

ఈ మాట‌కైనా చిరు బౌల్డ్ అవుతాడేమో చూడాలి. ఇప్పుడు అవ్వక‌పోయినా చ‌ర‌ణ్ సినిమాని కృష్ణవంశీ సూప‌ర్ హిట్ చేస్తే చిరు 151వ సినిమా… వందేమాత‌రం అవ్వడం ఖాయం.