దేవీని ఈసారి పక్కన పెడతారా?

మహేష్ బాబుకు శ్రీమంతుడు, భరత్ అనే నేను అనే రెండు మంచి ఆల్బమ్ లు ఇచ్చాడు దేవీశ్రీప్రసాద్. మీడియం సినిమాలకు దేవీ బాగా ఫెయిల్ అయినా పెద్ద సినిమాలకు న్యాయం చేస్తాడని పేరు. కానీ మహర్షి సినిమా విషయంలో ఇది నిజం కాలేదనే టాక్ వినిపిస్తోంది. ఇప్పటిదాకా వదిలిన పాటలు అన్నీ సో సో గానే వున్నాయి.

దర్శకుడు అనిల్ రావిపూడి విషయానికి వస్తే, ఫస్ట్ టైమ్ దేవీతో ఎఫ్ 2 సినిమా చేసాడు. మరీ కొత్త ట్యూన్ లు కాదు కానీ, పాపులర్ ఆల్బమ్ గా నిలిచింది. మరి ఇప్పుడు అనిల్ రావిపూడి-మహేష్ బాబు కాంబినేషన్ లో రాబోయే సినిమాకు మ్యూజిక్ బాద్యత దేవీశ్రీకే అప్పగిస్తారా? అన్న క్వశ్చను వినిపిస్తోంది. సరైన ఆప్షన్ ఏదీలేదు. అనిరుధ్, థమన్ పేర్లు కూడా పరిశీలనలో వున్నాయని గుసగుసలు వినిపిస్తున్నాయి.

థమన్ అయితే గతంలో రెండు మూడు సినిమాలు మహేష్ కు పనిచేసారు. ఇప్పుడు మాంచి ఫామ్ లో కూడా వున్నాడు. ఏదైనా నిర్ణయం మహేష్ ఆలోచన మీద ఆధారపడి వుంటుందని తెలుస్తోంది. ప్రస్తుతం సెకండాఫ్ మీద వర్క్ చేస్తున్న అనిల్ రావిపూడి మహర్షి సినిమా హడావుడి అయిన తరువాత మహేష్ తో ఈ విషయమై డిస్కషన్ చేసే అవకాశం వుంది.