దిల్ రాజుతో త్రివిక్రమ్ నా?నిజమేనా?

ఉన్నట్లుండి దిల్ రాజు చిన్న పాటి బాంబు పేల్చారు. స్టార్ హీరోతో త్రివిక్రమ్ కాంబినేషన్ లో ఓ సినిమా చేయబోతున్నానని. దీనికి ఇండస్ట్రీలో రెండు రకాల డిస్కషన్లు వినిపిస్తున్నాయి. దీని వెనుక చిన్న ముచ్చట కూడా వుందని వినిపిస్తోంది. అ..ఆ విడుదలకు ముందు దానిపై ఎవరికీ పెద్దగా అంచనాలు లేవు. 

దిల్ రాజు కూడా నిర్మాత చిన్నబాబుతో ఈ సినిమా బాగుంటుంది కానీ, నైజాంలో బాగా ఆడుతుంది కానీ మిగిలిన చోట్ల కాదు అన్న టైపులో ఫీడ్ బ్యాక్ ఇచ్చారని వినికిడి. ఈ మాట ఆ నోటా ఈ నోటా విని కృష్ణాజిల్లా బయ్యర్ పది లక్షలు తక్కువ కట్టినట్లు కూడా తెలుస్తోంది. ఇలా ప్రచారం చేసారని దిల్ రాజుపై త్రివిక్రమ్ కాస్త అలిగినట్లు తెలిసింది. 

ఇది తెలిసి, దిల్ రాజు ఆయనను ప్రసన్నం చేసుకుని, ఈ ప్రెస్ మీట్ పెడుతున్నారని ఒకరోజు ముందుగానే ఇండస్ట్రీలో వార్త గుప్ప మంది. అన్నట్లుగానే మంగళవారం ప్రెస్ మీట్ జరిగింది. కానీ గ్యాసిప్ లకు అందనిది దిల్ రాజు సినిమాప్రకటన. ఇది నిజమా..కేవలం గతంలో చేసిన అనేకానేక ప్రకటనల్లాంటిదా అన్నది అనుమానం. ఆ మధ్య సుకుమార్-దేవీ శ్రీ ప్రసాద్ కాంబినేషన్ లో సినిమా తీస్తాననీ అన్నారు దిల్ రాజు. 

కానీ ఆ తరువాత ఆ సంగతి ఏమీ తెలియలేదు. ఇదీ అలాంటిదేనా అని ఓ డిస్కషన్. ఇక ఇంకో డిస్కషన్ ఏమిటంటే..పవన్ కళ్యాణ్ తో త్రివిక్రమ్ ఓ సినిమా చేయాల్సి వుంది. ఇది పవన్ కోరిక. అయితే సహజంగా హారిక హాసినితోనే త్రివిక్రమ్ చేయాలి. కానీ పవన్ సినిమాలు చేసే వ్యవహారం, త్రివిక్రమ్ సినిమాలకు ఖర్చు పెట్టించే వ్యవహార తలుచుకుని హారిక హాసిని అధినేత చినబాబు కూడా కాస్త ముందు వెనుక ఆడుతున్నట్లు తెలుస్తోంది. 

మరోపక్క అ..ఆ సినిమా నిర్మాణం విషయంలో హారిక హాసిని చినబాబు, వంశీ కాకున్నా, యూనిట్ జనాలు వెనుక చాలా గుసగుసలు పొయారని వినికిడి. ప్రేమమ్, బాబు బంగారం సినిమాల మేకింగ్, ఖర్చు తో కంపేర్ చేస్తూ త్రివిక్రమ్ ఆప్సెన్స్ లో తరచు కామెంట్లు చేసుకునేవారని తెలుస్తోంది. ఇది తెలిసి త్రివిక్రమ్ చాలా ఫీలయ్యారని వినికిడి. 

దీనికి తోడు పవన్ తో సినిమా తీయాలన్నది తన కల అని దిల్ రాజు బాహాటంగా పదేపదే అంటూ వచ్చారు. అందువల్ల ఈ ఈక్వేషన్లీ కలిసి, పవన్  వంద కోట్ల సినిమా త్రివిక్రమ్ దిల్ రాజుతో చేస్తారా? ఏమో గుర్రం ఎగరావచ్చు.. అవును..ఇంతకీ పవన్ తో త్రివిక్రమ్ తో సినిమా చేయాలని అనుకుంటున్న దర్శకుడు దాసరి సంగతేమిటో?