Epaper
నటిపై దాడి వ్యవహారంలో అరెస్టు అయ్యి.. పోలీసు కస్టడీలో ఉన్న మలయాళ స్టార్ హీరో దిలీప్ వ్యక్తిగత వ్యవహారాలు ఇప్పుడు చర్చనీయాంశంగా మారాయి. కేవలం తన సహనటిపై దాడి చేయించిన వ్యవహారమే కాదు.. దిలీప్ జీవితంలోని ఉగ్గుపాల చరిత్రను కూడా పోలీసులు బయటకు తీస్తున్నారు. తన అక్రమ సంబంధ వ్యవహారాన్ని తన భార్యకు చెప్పి, తన వైవాహిక జీవితాన్ని దెబ్బతీసిందనే కక్షతో దిలీప్ తన సహనటిపై దాడి చేయించాడు అని పోలీసులు తేల్చారు. అందుకు సంబంధించి ఆధారాల సేకరణతో దిలీప్ ను అరెస్టు చేశారు. ఇప్పుడప్పుడే అతడిని వదిలేలా కూడా లేరు. మరి కేవలం ఆ వ్యవహారం గురించే కాదు.. దిలీప్ వ్యవహారాల్లో చాలా లొసుగులు ఉన్నాయని పోలీసులు చెబుతున్నారు.
మలయాళ చిత్ర పరిశ్రమను గుప్పిట్లో ఉంచుకోవాలని చూసి.. ఇతడు చాలా గలీజ్ వ్యవహారాలు చేశాడని పోలీసులు చెబుతున్నారు. నటుడు కళాభవన్ మణి హత్య వెనుక కూడా దిలీప్ హస్తం ఉందనే ఆరోపణ గట్టిగా వినిపిస్తోంది. ఆ సంగతులు అలా ఉంటే.. దిలీప్ వైవాహిక జీవిత చరిత్ర చాలానే ఉందనే మాట ఇప్పుడు వినిపిస్తోంది. దిలీప్ కు రెండు పెళ్లిళ్లు అయ్యాయనేది అందరికీ తెలిసిన విషయం , అయితే రెండుకాదు .. దిలీప్ కు మూడు పెళ్లిళ్లు జరిగాయి.. అని పోలీసులు తేల్చారట. నటీమణి మంజూ వారియర్ ను దిలీప్ ముందుకు వివాహం చేసుకున్నాడు. ఆ తర్వాత మంజూ అతడికి విడాకులు ఇవ్వగా.. తన పాత స్నేహితురాలు కావ్యా మాధవన్ ను దిలీప్ పెళ్లి చేసుకున్నాడు. అయితే వీరిద్దరితో పెళ్లిళ్ల కన్నా మునుపే దిలీప్ కు పెళ్లి అయ్యిందని పోలీసులు తేల్చినట్టు సమాచారం.
దిలీప్ నటుడిగా సెటిల్ కాకముందే అతడికి పెళ్లి అయ్యిందని, బంధువుల అమ్మాయిని పెళ్లి చేసుకున్నాడని పోలీసులు చెబుతున్నారు. హీరోగా కొంచెం స్టాండ్ అయ్యాకా ఆమెను గల్ఫ్ పంపించి వేశాడని, విడాకులు ఏవీ తీసుకోకనే మంజూ వారియర్ ను రెండో పెళ్లి చేసుకున్నాడని తెలుస్తోంది. దిలీప్ ఇంకా స్టార్ కాక ముందే.. మంజూ వారియర్ మలయాళంలో స్టార్ హీరోయిన్. తన కన్నా స్థాయిలో చిన్నవాడు అయినా ఆమె అతడిని పెళ్లి చేసుకుంది. అయితే దిలీప్ హీరోగా నిలదొక్కుకున్నాకా.. మంజూ వారియర్ ను సినిమాల్లో నటించడాన్ని ఆపించాడు.
కావ్యతో సంబంధం పెట్టుకున్నాడు. చివరకు మంజు ఇతడికి విడాకులు ఇచ్చింది. మళ్లీ కావ్యను పెళ్లి చేసుకున్నాడు. ఇప్పుడు ఇతడి లీలలన్నీ వెలుగులోకి వస్తున్నాయి. మరి దిలీప్ చీకటి వ్యవహారాలు చాలానే ఉన్నాయని స్పష్టం అవుతోంది. మరి ఈ వ్యవహారం ఇంకా ఎంత వరకూ వెళ్తుందో చూడాలి.