cloudfront

Advertisement


Home > Movies - Movie Gossip

దిల్‌ రాజుకి జాగ్రత్త పెరిగింది

దిల్‌ రాజుకి జాగ్రత్త పెరిగింది

మొన్నటి వరకు అతను తీసిందే సినిమా అన్నట్టు చెల్లిపోయింది కానీ వరుసగా రెండు భారీ పరాజయాలతో దిల్‌ రాజుకి కూడా జాగ్రత్త పెరిగింది. లవర్‌, శ్రీనివాస కళ్యాణం పరాజయాలు తన జోరుకి కళ్లెం వేయడంతో ఈ పరాజయాల పరంపరకి ఇంతటితో బ్రేక్‌ వేయడానికి దిల్‌ రాజు బాగా కష్టపడుతున్నాడు.

తన బ్యానర్‌ నుంచి తదుపరి రాబోయే 'హలో గురూ ప్రేమ కోసమే' చిత్రానికి దిల్‌ రాజు ఛాన్స్‌ తీసుకోవడం లేదు. ఎలాగైనా ఈ చిత్రంతో బౌన్స్‌బ్యాక్‌ అవ్వాలని చూస్తోన్న రాజు షూటింగ్‌ దశలో వుండగానే మార్పులు వుంటే చెప్పి, రీషూట్స్‌ చేయిస్తున్నాడట.

సినిమా చూపిస్త మావ, నేను లోకల్‌లాంటి సూపర్‌ హిట్స్‌ తీసిన త్రినాధరావు నక్కిన దర్శకత్వంలో వస్తోన్న ఈ చిత్రాన్ని దర్శకుడి ట్రాక్‌ రికార్డ్‌పై భరోసాతో వదిలేయడానికి దిల్‌ రాజు ఇష్టపడడం లేదు. తన బ్రాండ్‌ నేమ్‌కి శ్రీనివాస కళ్యాణం చేసిన డ్యామేజ్‌కి 'హలో గురూ' సక్సెస్‌తో రిపేర్‌ చేయాలని చూస్తున్నాడు.

రామ్‌ కెరీర్‌ కూడా ఒడిదుడుకులతోనే సాగుతూ వుండడంతో ఈ చిత్రం విషయంలో రాజు అప్రమత్తంగా వున్నాడు. అసలే చాలా సినిమాలు పోటీ పడుతోన్న టైమ్‌లో వస్తోంది కనుక అతను ఛాన్స్‌ తీసుకోవట్లేదు.