ఎన్నో వస్తాయి కానీ..సాహసం ఎక్కడ?

సమ్మర్ అయిపోయింది..మళ్లీ దసరా దాకా సినిమాల హడావుడి వుండదు అనుకుంటే కబాలి గాలిబుడగ పేలిపోవడం, జనతా గ్యారేజ్ వెనక్కు వెళ్లిపోవడంతో దాదాపు అన్ని సినిమాలు క్యూ కట్టేస్తున్నాయి. 29, 5, 12, 19 ఇలా నాలుగు వారాల వరకు దాదాపు ఎనిమిది నుంచి పది సినిమాలు ఫిక్స్ అయిపోయాయి. వీటిలో ఇంకా షూటింగ్ ఫైనల్ స్టేజ్ లో వున్నవి కూడా వుండడం విశేషం. 

ఫైనల్ స్టేజ్ లో వున్నవి, రీ రికార్డింగ్ దశలో వున్నవీ కూడా డేట్లు ప్రకటించి చకచకా రెడీ అయిపోతున్నాయి. జక్కన, పెళ్లి చూపులు, చుట్టాలబ్బాయి, మనమంతా, బాబు బంగారం, తిక్క, ఇలా చాలా సినిమాలు డేట్లు ఇచ్చేసాయి. కానీ…కానీ, నాగ్ చైతన్య సాహసం శ్వాసగా సాగిపో సినిమా మాత్రం ఏ స్టేజ్ లో వుందో తెలియడం లేదు. అదే నాగ్ చైతన్య నటించిన ప్రేమమ్ షూట్ కంప్లీట్ చేసుకుని, పోస్ట్ ప్రొడక్షన్ పనులు చకచకా కానిచ్చేస్తోంది. 

అదే సంస్థ బాబు బంగారం విడుదల వుంది కాబట్టి కానీ, ఆగస్టు ఆఖరి వారంలో వచ్చేసే అవకాశం వుంది. మరి అలాంది గౌతమ్ మీనన్ ఎన్నాళ్ల బట్టో చెక్కతున్న సాహసం శ్వాసగా సాగిపో సినిమా మాత్రం అలా వుంది.  ఈ సినిమా తెలుగు వెర్షన్ కోసం నిర్మాత, ఎప్పుడో ఇరవై కోట్లు ఇన్వెస్ట్ చేసి, అలా వున్నారు. చేయాల్సిన అన్ని ఫంక్షన్ లు చేసారు కానీ, విడుదల ఎప్పుడో తెలియడం లేదు. 

సినిమా విడుదలై లాభాలు వచ్చినా, ఆ డబ్బులు వడ్డీలే తినేసేలా వుంది పరిస్థితి చూస్తుంటే. ఈ సినిమా తరువాత మరి ఏ హీరో కూడా గౌతమ్ మీనన్ ద్విభాషా ప్రాజెక్టు అంటే భయపడి ముందుకు రారేమో?