ఫ్లాపుల ప్రభావం తప్ప మరేమిటి?

సినిమా విడుదల తరువాత, బాగాలేక, కలెక్షన్ లేకపోతే అది వేరే సంగతి. అలాకాకుండా సినిమాకు మంచి కాంబినేషన్ వుండి, పబ్లిసిటీ వుండి కూడా ఓపెనింగ్స్ రాకపోతే కాస్త ఆలోచించాల్సిందే. సాయిధరమ్ తేజ లేటెస్ట్ సినిమా తేజ్ ఐలవ్ యూ తొలిరోజు వసూళ్లు చాలా నిరాశజనకంగా వున్నాయి. గట్టిగా కోటీ ఎనభైలక్షల షేర్ రాలేదు. రెండు తెలుగు రాష్ట్రాల్లో కలిసి.

బ్యాడ్ టైమ్, బ్యాడ్ పిరియడ్, బ్యాడ్ మూవీస్ కారణంగా యంగ్ హీరో సాయిధరత్ తేజ కు వరుస ఫ్లాప్ లు పడుతున్నాయి. వినాయక్ కాంబినేషన్ లో చేసిన ఇంటిలిజెంట్ నే పెద్ద డిస్సపాయింట్ మెంట్. జోనర్ మార్చి, తొలిసారి లవ్ జోనర్ చేసి, కాస్త ఆశపడినా ‘తేజ్ ఐలవ్ యూ’ కూడా ఓపెనింగ్స్ నిరాశ పరిచాయి.

ఇంటిలిజెంట్ కే మరీ గొప్ప ఓపెనింగ్స్ రాలేదు. రెండుకోట్ల రేంజ్ లో వచ్చాయి. ఇప్పుడు అంతకన్నా తగ్గాయి. అయితే ఫ్యాన్స్ మాత్రం శని, ఆదివారాల్లో మంచి కలెక్షన్లు నమోదు అవుతాయని నమ్మకంతో వున్నారు. ఫస్ట్ వీకెంట్ అంతాకలిపి నాలుగుకోట్ల దగ్గరకు చేరినా, టోటల్ రన్ లో ఇంకా చాలా రావాల్సి వుంటుంది. ఎందుకంటే ఈ సినిమాను 16 కోట్ల రేంజ్ లో మార్కెట్ చేసారు.

Nizam……….0.47
Ceased……..0.28
UA…………….0.26
East………….0.19
West…………0.18
Krishna……..0.12
Nellore………0.07
Total………….1.82