గీతగోవిందంలో నిత్యామీనన్

గీత గోవిందం. వచ్చేవారం విడుదల కాబోతున్న సినిమా. మాంచి పబ్లిసిటీ అయితే జరుగుతోంది. స్క్రీన్ మీద పడేవరకు ఏ సినిమాను కూడా డిసైడ్ చేయలేని రోజులు ఇవి. అందుకే ఆ విషయం వదిలేస్తే, గీత గోవిందం సినిమాకు కేవలం విజయ్ దేవరకొండ మాత్రమే కాకుండా మరి కొన్ని చిన్న చిన్న అట్రాక్షన్లు వున్నాయని తెలుస్తోంది.

ఇద్దరు పాపులర్ హీరోయిన్లు ఈ సినిమాలో కామియోలుగా కనిపిస్తారని తెలుస్తోంది. అజ్ఞాతవాసి, నాపేరు సూర్య, శైలజరెడ్డి అల్లుడు సినిమాల హీరోయిన్ అను ఇమ్మాన్యుయేల్, అలాగే మంచి నటి అని ప్రూవ్ చేసుకున్న నిత్యామీనన్ కామియోలుగా కనిపించబోతున్నారు.

ఇందులో అను ఇమ్మాన్యుయేల్ వుంటుందన్న విషయం ఇప్పటికే చూచాయిగా బయటకు వచ్చింది. కానీ నిత్యామీనన్ వుంటుందన్న సంగతి కొత్తగా బయటకు వచ్చింది. కథ కీలక మలుపులో నిత్యామీనన్ కొద్దిసేపు కనిపిస్తుందని తెలుస్తోంది.