గౌతమ్ మీనన్ అండ్ కో స్విచాఫ్?

సాహసం శ్వాసగా సాగిపో సినిమా విడుదల తేదీ నిన్నటికి నిన్న ప్రకటించారు. ఆ సినిమా డేట్ ప్రకటించడానికి కొద్ది సమయం ముందే అదే హీరో నాగ్ చైతన్య సినిమా ప్రేమమ్ డేట్ ప్రకటించారు. ప్రేమమ్ డేట్ ప్రకటించిన వెంటనే సాహసం శ్వాసగా…డేట్ ప్రకటించడంపై ప్రేమమ్ యూనిట్ మొత్తం చిన్న కదుపునకు లోనయింది. 

వెంటనే నాగ్ చైతన్య దగ్గరకు విషయం వెళ్లింది. చైతన్య వెంటనే సాహసం శ్వాసగా సినిమా సమర్పకుడు కోన వెంకట్ కు ఫోన్ చేసారు. స్విచాఫ్. నిర్మాత..స్విచాఫ్..గౌతమ్ మీనన్ స్విచాఫ్. దీంతో అవాక్కవడం నాగ చైతన్య వంతయిందని వినికిడి. అంటే కావాలని ప్రేమమ్ డేట్ ప్రకటించిన వెంటనే గౌతమ్ మీనన్ తన సినిమా డేట్ ప్రకటించి ఫోన్ స్విచాఫ్ చేసుకుని వుంటారని ఇండస్ట్రీలో గుసగుసలు వినిపిస్తున్నాయి. 

గౌతమ్ మీనన్ ఇలా చేసారా? లేదా గౌతమ్ మీనన్ తో కోన వెంకట్ ఇలా డేట్ అనౌన్స్ మెంట్ చేయించి వుంటారా? అన్న అనుమానాలు కూడా వినిపిస్తున్నాయి. ఏమైనా ఈ వ్యవహారం పట్ల నాగ చైతన్య చాలా ఆగ్రహంతో వున్నట్లు తెలుస్తోంది. ఈ విషయం నాగార్జున దృష్టికి కూడా వెళ్లినట్లు వినికిడి.