హవీష్ మళ్లీ మరో ప్రయత్నం?

రెండు సినిమాలు చేసాడు యంగ్ హీరో హవిష్. కానీ ఫలితం అంతగా దక్కలేదు. ఇప్పుడు ముచ్చటగా మూడో ప్రయత్నం చేయబోతున్నట్లు తెలుస్తోంది. ఈసారి కాస్త పెద్ద డైరక్టర్ తోనే తన ప్రయత్నం చేయబోతున్నట్లు వినికిడి. వెంకటేష్ తో బాబు బంగారం తరువాత దర్శకుడు మారుతి ఓ చిన్న సినిమా చేయబోతున్నాడన్న వార్తలు వెలువడ్డాయి. 

అది కూడా ఎంటర్ టైన్ మెంట్ తో పాటు మెసేజ్ టచ్ వున్న సబ్జెక్ట్ అన్న పాయింట్ బయటకు వచ్చింది. అందుకే ఆ సినిమా కోసం హవీష్ ప్రయత్నాలు ప్రారంభించినట్లు గ్యాసిప్ వినిపిస్తోంది. అయితే హవీష్ మాటను మారుతి మన్నిస్తాడా? లేదా అన్నది తెలియదు. 

ఇవివి సత్యనారాయణ మాదిరిగా చిన్న, పెద్ద సినిమాలు సమాంతరంగా చేయాలన్న ఆలోచనలో వున్నారు మారుతి అని వినికిడి. ఈ అవకాశాన్ని అందిపుచ్చుకోవాలన్న ఆలోచన హవీష్ ది. మరి ఏమవుతుందో చూడాలి.