హే..బ్రహ్మీ వస్తున్నాడు

బ్రహ్మానందం..ఏడాది క్రితం వరకు నెలకు అన్ని సినిమాలు విడుదలైతే అన్నింట్లో బ్రహ్మీ వుండాల్సిందే. జనం పగలబడి నవ్వాల్సిందే. కానీ కాలం తిరగబడింది. సరైన రైటర్లు కరువయ్యారు. బ్రహ్మీ పాత్రలు పండకపోగా వికటించడం ప్రారంభమైంది. దాంతో విపరీతమైన గ్యాప్ వచ్చేసింది. ఇప్పుడు మళ్లీ బ్రహ్మీ టైమ్ వచ్చినట్లు కనిపిస్తోంది. 

ఈ నెలలో రెండు సినిమాల్లో బ్రహ్మానందం కనిపించబోతున్నాడు. అలరించబోతున్నాడు. వెంకీ-నయనతార కాంబినేషన్ లోని బాబు బంగారం సెకండాఫ్ లో బ్రహ్మానందం ఓ రోల్ లో కనిపిస్తాడు. అయితే మరీ హిలేరియస్ క్యారెక్టర్ కాదు, కానీ క్లాస్ ఫన్ వుంటుందని తెలుస్తోంది. మారుతి సినిమాలో బ్రహ్మీ నటించడం ఇదే మొదటిసారి.

ఇక రెండో సినిమా ఆటాడుకుందాం రా. నాగేశ్వర రెడ్డి మాంచి క్యారెక్టర్ ను బ్రహ్మానందం కోసం డిజైన్ చేసారట. అది చాలా బాగా పండిదని టాక్. ఈ సినిమా కూడా ఈ నెలలోనే విడుదలవుతుంది. చిత్రమేమింటే బ్రహ్మీకి మాంచి ఆల్టర్ నేటివ్ గా తయారవుతున్న పృధ్వీ కూడా ఈ రెండు సినిమాల్లో కీలక పాత్రలు పోషించడం అసలు చమక్కు.