Epaper
ఈరోజు ఉదయం నుంచి అటు బయోపిక్ పీఆర్వోలకు, ఇటు ఎన్టీఆర్ పీఆర్ టీమ్ కు ఒకటే పని. ఎన్టీఆర్ బయోపిక్ లో బాల బాలయ్యగా ఎన్టీఆర్ కనిపించబోతున్నాడట కదా? అన్న ప్రశ్నకు 'లేదు.. లేదు' అంటూ సమాధానం చెప్పడం. ఈరోజు ఉదయం మరి ఎలా బయటకు వచ్చిందో? లేదా ఎలా పుట్టిందో కానీ, బయోపిక్ సినిమా కోసం ఎన్టీఆర్ కు గెటప్ షూట్ జరిగిందనే వార్త బయటకు వచ్చింది.
అప్పటి నుంచి చాలామంది నుంచి అటు ఎన్టీఆర్ పీఆర్ టీమ్, ఇటు బయోపిక్ పీఆర్ టీమ్ ఇదే విషయమై వివరణలు ఇవ్వాల్సి వచ్చింది. ఈ క్షణం వరకు అలాంటిది ఏదీలేదని. కానీ విశ్వసనీయ వర్గాల బోగట్టా ఏమిటంటే, బయోపిక్ లోకి ఎన్టీఆర్ ను తీసుకునే ప్లాన్ ఫిక్స్ అయిందని.
కానీ ప్రస్తుతానికి ఇంకా దాన్ని పక్కా కన్ ఫర్మ్ చేయడం కానీ, షూట్ చేయడం కానీ జరగలేదని. అయితే బయోపిక్ లో ఎన్టీఆర్ నటిస్తారని, దాంతో సినిమాను అమ్మే విపరీతమైన రేట్లకు న్యాయం జరుగుతుందని, అలాగే సినిమాకు మరింత క్రేజ్ వస్తుందని బయోపిక్ దర్శక నిర్మాతలు భావిస్తున్నారని తెలుస్తోంది.
అంతేమరి. నిప్పులేకుండా పొగరాదు కదా? అలాంటి ఆలోచన ఏదో వుండబట్టే, ఈ రోజు టాలీవుడ్ లో ఈ గ్యాసిప్ గుప్పుమంది.