ఐ కథ ఇదేనా?

ఓ సినిమా వస్తోందంటే దాని కథ ఇదేనంటూ కాస్తలీక్ లు వస్తుంటాయి. అయితే శంకర్ లాంటి దర్శకులు తమ సినిమాల విషయంలో చాలా జాగ్రత్తగావుంటారు. ఏవీ లీక్ కానివ్వరు.అయితే శంకర్ సినిమ ఐ కథ ఇదేనంటూ చిన్న లీక్ బయటకు వచ్చింది. చిత్రంగా ఇది కూడా రాజమౌళి ఈగ సినిమాను పోలి వుండడం విశేషం. 

ఇంతకీ చలామణీలో వన్న కథేంటంటే… అనగనగా ఓ కుర్రాడు..ఓ సైంటిస్టు. ఇద్దరూ ఓ మోడల్ ను ప్రేమిస్తారు. దాంతో సైంటిస్టుకు కోపం వచ్చి, తనకు పోటీ వస్తున్న కుర్రాడి బాడీలోకి ఓ వైరస్ ను ఎక్కించేస్తాడు. దాంతో ఆ కుర్రాడికి వికృత రూపం వచ్చేస్తుంది. 

కానీ సైంటిస్ట్ ఆటలు సాగనివ్వకుండా, ఆ వికృత రూపంతోనే ప్రేయసిని కాపాడుకునేందుకు ప్రయత్నిస్తాడు. కానీ ప్రేయసి అతడ్ని గుర్తుపట్టదు. చివరకు ఏం జరిగిందన్నది మిగిలిన కథ. ఎంత వరకు నిజం అన్నది మరో రెండు వారాలు ఆగితే కానీ తెలియదు.