Epaper
తెలుగులో వెంకటేష్‌ హీరోగా వచ్చిన ‘దృశ్యం’ మంచి విజయం సాధించిన విషయం విదితమే. ఇది మలయాళం నుంచి తెలుగులోకి రీమేక్‌ అయిన సినిమా. ఇప్పుడిదే కథతో బాలీవుడ్‌లో అజయ్‌దేవగన్‌ హీరోగా సినిమా రూపొందుతోంది. తెలుగులో మీనా పోషించిన పాత్రని హిందీలో శ్రియ పోషించనుండడం గమనార్హం.
మలయాళంలో మోహన్‌లాల్‌, మీనా జంటగా నటించిన ‘దృశ్యం’ సినిమాకి జీతూ జోసఫ్‌ దర్శకత్వం వహించారు. తెలుగులో అలనాటి నటి శ్రీప్రియ ‘దృశ్యం’ చిత్రానికి దర్శకత్వం వహించగా, హిందీలో ‘దృశ్యం’ సినిమాకి నిషికాంత్‌ కామత్‌ దర్శకత్వం వహిస్తున్నారు. జులై 30న హిందీ ‘దృశ్యం’ విడుదలవుతుంది.
తెలుగు, మలయాళంలో విజయం సాధించినట్లే హిందీలోనూ ‘దృశ్యం’ ఘనవిజయం సాధిస్తుందని చిత్ర యూనిట్‌ విశ్వాసంతో వుంది. తెలుగు, తమిళ, హిందీల్లో ఒకే టైటిల్‌తో ఈ చిత్రం రూపొందడం విశేషం. తెలుగులో నదియా పోలీస్‌ అధికారి పాత్రలో కన్పించగా, ఆ పాత్రకి హిందీలో టబుని ఎంపిక చేశారు.