ఇంద్రగంటి సినిమాకు ఇన్స్పిరేషన్?

క్లాసిక్ ఫన్ సినిమాలు తీయడంలో దిట్ట దర్శకుడు ఇంద్రగంటి. అయితే ఆయన సినిమాలకు ఇంగ్లీష్ నవలలో, సినిమాలో మూల కథలు అందిస్తాయని టాక్. ఈ విషయం ఆయన కూడా ఒకటి రెండు సార్లు ఒకటి రెండు సినిమాల విషయంలో ఓపెన్ గానే అంగీకరించారు.

అసలు ఆ మాటకు వస్తే, ఇప్పుడు టాలీవుడ్ లో మేకర్లు వున్నారు తప్ప, క్రియేటర్లు తక్కువ. అంటే ఎలా తీయాలో తెలుసు కానీ, ఏం తీయాలో కాదని. అందుకే కొరియన్ డీవీడీలు అన్నీ తెలుగు సినిమాలుగా మారుతుంటాయి.

సరే, అసలు విషయానికి వస్తే, ఇంద్రగంటి మోహన్ కృష్ణ లేటెస్ట్ సినిమా సమ్మోహనం మరో వారంలో విడుదల కాబోతోంది. ఈ సినిమాకు కూడా ఓ హాలీవుడ్ సినిమా ప్రేరణ అని ఇండస్ట్రీలో వినిపిస్తోంది. Notting Hill అనే సినిమాలో లైన్ ఆధారంగా ఇంద్రగంటి సమ్మోహనం కథ అల్లుకున్నారని, దానికి కాస్టింగ్ కౌచ్ లాంటి విషయాలు జోడించారని తెలుస్తోంది. ఇటీవల కాస్టింగ్ కౌచ్ అన్నది బాగా పాపులర్ అయిన సంగతి తెలిసిందే.

అందుకే ఇంద్రగంటి తన సినిమాలో ఆ విషయాన్ని కాస్త బాగానే టచ్ చేసారని వినిపిస్తోంది. వాస్తవానికి notting hill అన్న సినిమా కామెడీ లైన్ లో వుంటుంది. ఇంద్రగంటి 'సమ్మోహనం' సీరియస్ రొమాంటిక్ ఫిల్మ్ లా కనిపిస్తున్నా, సినిమాలో కామెడీ ఫుల్ గా వుంటుందనే తెలుస్తోంది.