నాని-త్రివిక్రమ్ బయట బ్యానర్ కు?

త్రివిక్రమ్ ఓ సినిమాను నాని హీరోగా చేస్తారని ఎప్పటి నుంచో వినిపిస్తోంది. అయితే అది ఎన్టీఆర్ సినిమా తరువాత వుంటుందా? వెంకీతో హారిక హాసిని సినిమా తరువాత వుంటుందా? అన్న దాంట్లో మాత్రం క్లారిటీ లేదు. అసలు వెంకీతో హారిక హాసిని సినిమా త్రివిక్రమ్ దేనా? వేరే డైరక్టర్ దా అన్నది కూడా ఇంకా తెలలేదు.

ఇదిలా వుంటే, 2019లోపు నానితో మాత్రం త్రివిక్రమ్ సినిమా వుంటుందని తెలుస్తోంది. చిరకాలంగా హారిక హాసిని బ్యానర్ లోనే సినిమాలు చేస్తూ వస్తున్న దర్శకుడు త్రివిక్రమ్ బయట బ్యానర్ కు ఈ సినిమా చేసే అవకాశం వుందని తెలుస్తోంది.

అన్నీ వినిపిస్తున్నాయి కానీ, త్రివిక్రమ్-మహేష్ కాంబినేషన్ ముచ్చట మాత్రం అస్సలు వినిపించడం లేదు? ఎందుకనో? మహేష్ లైనప్ లో వంశీ పైడిపల్లి, సుకుమార్ వున్నారు. ఆ తరువాత చాలా పేర్లు వినిపిస్తున్నాయి కానీ, త్రివిక్రమ్ పేరు మాత్రం వినిపించడం లేదు ఏలనో?