జయప్రకాష్ రెడ్డి డ్యూయల్ రోల్?

ఎవడు సినిమాలో జయప్రకాష్ రెడ్డి కామెడీ ఏ రేంజ్ లో పండిందో అందరికీ తెలిసిందే. విలన్ గా రకరకాల పాత్రలు చేసిన జయప్రకాష్ కామెడీ కూడా బాగా చేసి మార్కులు కొట్టేసాడు. మళ్లీ మరోసారి జయప్రకాష్ రెడ్డి ఫుల్ కామెడీతో కూడిన పాత్ర చేస్తున్నట్లు తెలుస్తోంది. 

శ్రీనువైట్ల-రామ్ చరణ్ కాంబినేషన్ లోని బ్రూస్ లీ లో జయప్రకాష్ కు మాంచి కామెడీ వేషం కుదిరిందని వినికిడి. అంతే కాదు, శ్రీనువైట్ల, కోనవెంకట్ అండ్ కో వెరైటీగా జయప్రకాష్ చేత డబుల్ రోల చేయిస్తున్నారని వినికిడి. ఇలా డబుల్ రోల్ తో మాంచి కామెడీ పండించారని అంటున్నారు. 

ఈ సినిమా తరువాత జయప్రకాష్ కమెడియన్ గా కూడా పేరు తెచ్చుకుంటాడంటున్నారు. మరి ఎంతవరకు నిజమో సినిమా వచ్చేదాకా ఆగితే తెలుస్తుంది.