Epaper
ఆలు లేదు చూలు లేదు అల్లుడి పేరు సోమలింగం అని వెనకటికి సామెత. అలాగ్గే వుంది వివి వినాయక్-బాలయ్య సినిమా. ప్రస్తుతానికి బాలయ్య చేయాల్సిన ఎన్టీఆర్ బయోపిక్ మొదలు కాలేదు. అది పూర్తయ్యేదాకా బాలయ్య మరో సినిమా చేయరు. దాని తరువాత చేస్తే వివి వినాయక్ సినిమా. ఈ సినిమాకు ఇప్పటి దాకా కథ పైనలైజ్ కాలేదని వినికిడి.
అయితే ఆగస్టులో ముహుర్తం చేయడానికి మాత్రం నిర్మాత సి కళ్యాణ్ ప్రయత్నిస్తున్నారు. సరైన కథ తయారుచేసి బాలయ్య చేత ఓకె అనిపించుకోవాలని వినాయక్ చూస్తున్నారు.
ఇలాంటి టైమ్ లో ట్విట్టర్ లో ఓ మాంచి టైటిల్ మాత్రం పుట్టేసింది. ఎకె 47 అన్నది ఆ టైటిల్. దీనిమీద పాజిటివ్, నెగిటివ్ కామెంట్ లు భలేగా నడిచాయి. ‘కాల్చిపారేస్తా నా కొడకా’ అన్నది ట్యాగ్ లైనా అంటూ కొందరు ట్రాలింగ్ కూడా మొదలుపెట్టారు.
మొత్తంమీద బాలయ్య –వినాయక్ సినిమాకు టైటిల్ పుట్టేసింది. ఎకె 47 అంటూ. ఇంక దీన్ని పట్టుకుని కథ తయారు చేసుకుంటే, ఓ పనైపోతుంది. ఇదిలా వుంటే ఇంకా గమ్మత్తు ఏమిటంటే ఈ సినిమా విడుదల మార్చి నెలాఖరులో అని కూడా వినిపిస్తోంది. సరిగ్గా సైరా విడుదలకు వారం అటు ఇటుగా ఈ సినిమా వుంటుదని కూడా వినిపించేస్తోంది.