కవచం – యాక్షన్ ప్లస్ మిస్టరీ

బెల్లంకొండ శ్రీనివాస్ కొత్త డైరక్టర్ మామిళ్ల శ్రీనివాస్ డైరక్షన్ లో ఫినిష్ చేసిన సినిమా కవచం. ఈ సినిమా మరో నాలుగు రోజుల్లో ప్రేక్షకుల ముందుకు రాబోతోంది. ఈరోజు భీమవరంలో అడియో ఫంక్షన్ చేస్తున్న సందర్భంగా ట్రయిలర్ విడుదల చేసారు. పక్కా యాక్షన్, ప్లస్ ఇన్వెస్టిగేటివ్ మిస్టరీ సబ్జెక్ట్ తో సినిమా తయారు చేసినట్లు క్లియర్ గా తెలుస్తోంది.

ట్రయిలర్ ఆద్యంతం యాక్షన్ ఓరియెంటెడ్ గానే వుంది. హీరో, విలన్ల మధ్య సాగే పద్మవ్యూహం ఎలా సాగింది, గెలుపు ఎవరిది అన్నది ట్రయిలర్ లో సూటిగా చెప్పేసారు. హీరోయిన్ గా కాజల్ కనిపిస్తోంది కానీ, ఆమెకు అంత ప్రాముఖ్యత వునట్లు ట్రయిలర్ లో కనిపించలేదు.

ట్రయిలర్ కు ఫుల్ గా యాక్షన్ టచ్ ఇచ్చారు కానీ, గ్లామర్ టచ్ లేదు. డ్యూయట్ బిట్ కట్ చేయలేదు. ట్రయిలర్ లో వున్న మరో పాయింట్ ఏమిటంటే, సరైన విలన్ ఎవరు అన్నది క్లారిటీలేదు. చిన్నా, చితకా విలన్లే అంతా. అజయ్ తో సహా. మరి మెయిన్ విలన్ ను దాచారా? లేక అజయ్ నా అన్నది తెలియాల్సి వుంది.

బోయపాటి సినిమాలో చేసిన దగ్గర నుంచి బెల్లంకొండ హీరోకు పంచ్ డైలాగులు అలవాటైపోయినట్లున్నాయి. ఈ ట్రయిలర్ లో కూడా ఒకటి రెండు పంచ్ డైలాగులు పడ్డాయి. ఓవరాల్ గా ట్రయిలర్ మొత్తం మాస్ ప్రేక్షకులకు పట్టేలా కట్ చేయడానికే ప్రాధాన్యత ఇచ్చినట్లుంది.

తెలంగాణ ఓటరు నాడి… ముళ్లు ఎటువైపు తిరుగుతోంది?… చదవండి గ్రేట్ ఆంధ్ర పేపర్