నానితో భలే సెట్ అయినట్లుందే?

తమిళనాట యువ సంగీత సంచలనం అనిరుధ్. తెలుగులో అజ్ఞాతవాసితో బ్యాడ్ ఎంట్రీ ఇచ్చారు. అందులో పాటలు బాగాచేసినా, సినిమాలో సెట్ కాక, సినిమా హిట్ కాక, ఆ పాప భారం అంతా అనిరుధ్ మోయాల్సి వచ్చింది. తెలుగులో మళ్లీ హారిక హాసిని అనుబంధ సంస్థలోనే సినిమా చేస్తున్నాడు.

సితార ఎంటర్ టైన్ మెంట్స్ పతాకంపై నిర్మించే జెర్సీ సినిమాకు అనిరుధ్ నే సంగీత దర్శకుడు. ఈ సినిమాలో హీరో నాని. అయితే తాజాగా నాని- విక్రమ్ కుమార్ సినిమా అనౌన్స్ మెంట్ వచ్చింది. ఫిబ్రవరి నుంచి షూట్ స్టార్ట్ అయ్యే ఈ సినిమాకు కూడా అనిరుధ్ నే సంగీత దర్శకుడు.

అంటే నానికి బాగా నచ్చి వుండాలి. విక్రమ్ కుమార్ కు మంచి అభిరుచి వుంది. అనూప్ రూబెన్స్ తో మంచి పాటలు చేయించుకున్నాడు రెండు సినిమాలకు. ఇప్పుడు అనిరుధ్ తో కూడా కచ్చితంగా మంచి పాటలు చేయిస్తాడు. నానితో చేస్తున్న రెండు సినిమాలు క్లిక్ అయితే తెలుగులో అనిరుధ్ సెట్ అయిపోతాడు.

అసలే తెలుగులో సరైన సంగీత దర్శకుడు లేక, మీడియం రేంజ్ సినిమాలు ఇబ్బంది పడుతున్నాయి.

తెలంగాణ ఓటరు నాడి… ముళ్లు ఎటువైపు తిరుగుతోంది?… చదవండి గ్రేట్ ఆంధ్ర పేపర్