కోనతో కలిస్తే వైట్లతోనే కన్‌ఫర్మ్‌

దర్శకుడు శ్రీను వైట్ల.. రచయితల ద్వయం కోన వెంకట్‌, గోపీమోహన్‌ కలిసి చాలా హిట్‌ చిత్రాలకి పని చేసారు. బాద్‌షా తర్వాత వీరితో అభిప్రాయ బేధాలు రావడంతో వైట్ల వేరే రచయితలతో కలిసి ఆగడు చేసాడు. ఆగడు పరాజయం పాలవడంతో శ్రీను వైట్లకి వీరిద్దరి బలం అవసరం అనే కామెంట్స్‌ బాగా వినిపిస్తున్నాయి. మరోవైపు చరణ్‌తో కన్‌ఫర్మ్‌ అనుకున్న వైట్ల మలి చిత్రం కూడా అనుమానంలో పడిరది. 
    
కోన వెంకట్‌, గోపీ మోహన్‌ చెప్పిన కథకి చరణ్‌ గ్రీన్‌ సిగ్నల్‌ ఇచ్చేసాడు. ఇంకా దర్శకుడు దొరకలేదు. మరోవైపు శ్రీను వైట్లతో చేద్దామనుకున్న సినిమాకి కథ కుదరడం లేదు. మరి మళ్లీ వీరందర్నీ చరణ్‌ కలుపుతాడా? ఈగోలు పక్కనపెట్టి వీరంతా కలిసి పని చేస్తారా? శ్రీను వైట్ల కూడా చరణ్‌ని మెప్పించే కథ సిద్ధం చేయడానికి బాగా ట్రై చేస్తున్నాడు. 
    
చరణ్‌ ఇంతవరకు కోన, గోపీ కథ తప్ప దేనినీ ఓకే చేయలేదు. కొందరు దర్శకులతో ప్రపోజల్స్‌ ఉన్నాయి కానీ ఏదీ మెటీరియలైజ్‌ కాలేదు. గోవిందుడు అందరివాడేలే తర్వాత ఇంతదాకా తదుపరి చిత్రం ఏమిటనేది ఫిక్స్‌ చేసుకోని చరణ్‌ కొద్ది రోజులు విరామం తీసుకోక తప్పేట్టు లేదు.