లారెన్స్ చేతిలో పేలనున్న పటాస్

పటాస్..చాన్నాళ్ల తరువాత ఇటు హీరోగా అటు నిర్మాతగా కళ్యాణ్ రామ్ కు బ్రేక్ ఇచ్చిన సినిమా. త‌మిళ పటాసు.. గంగ హిట్ తో ఊపు మీద వున్నాడు లారెన్స్. ఇప్పుడు కాంచన సీరీస్ అలా వుండగానే, ఓ యాక్షన్ కామెడీ కూడా చేయాలనుకుంటున్నాడట. అందుకే పటాస్ హక్కులను మంచి రేటుకు తీసుకున్నాడట,.

తమిళ హీరోలు కొందరు పటాస్ సబ్జెక్ట్ పట్ల ఆసక్తిగా వున్నారు. కానీ లారెన్స్ తానే చేయాలా, లేదా డైరక్షన్ మాత్రమే చేయాలా అన్నది ఇంకా డిసైడ్ చేసుకోలేదు. మరో హీరోతో చేసినా, తాను చేసినా మళ్లీ ఎవరో ఒకరు తెలుగులోకి డబ్ చేస్తారు. దబాంగ్ సినిమా వ్యవహారం అలాంటిదేగా. 

అది తెలుగులో గబ్బర్ సింగ్ అని వచ్చింది. తమిళంలో శింబు చేసాడు. అదే సినిమాను ఇప్పుడు తింగరి అంటూ తెలుగులోకి తెస్తున్నారు. గతంలో భాగ్య రాజా సినిమాలు ఇలాగే జరిగేవి.