Epaper
లక్ష్మీస్ ఎన్టీఆర్ రెండో ట్రయిలర్ వస్తోంది రేపే. తొలి ట్రయిలర్ తో సంచలనం రేపిన దర్శకుడు ఆర్జీవీ రెండో ట్రయిలర్ తో మరింత సంచలనం రేకెత్తించబోతున్నట్లు తెలుస్తోంది. ఈ ట్రయిలర్ లో తెలుగుదేశం పార్టీకి చెందినవారు, ముఖ్యంగా ఎన్టీఆర్ కుటుంబ సభ్యులు అందరి క్యారెక్టర్లు చూపించేసినట్లు తెలుస్తోంది.
చంద్రబాబు పాత్రధారి నోట 'నా లోకేష్ బాబు మీద ఒట్టేసి చెబుతున్నా' అనే డైలాగు కూడా ట్రయిలర్ లో వుందని తెలుస్తోంది. అలాగే పురంధ్రీశ్వరి పాత్ర ధారిణి నోట.. 'ఏమే దొంగ…. అంత మంది హీరోయిన్లను వదిలేసి, నీ వెంటపడ్డాడే' అన్న డైలాగు వినిపిస్తుందని తెలుస్తోంది.
ఇలా ఇంకా చాలా పవర్ ఫుల్ డైలాగులు ట్రయిలర్ లో వినిపిస్తాయని బోగట్టా. తొలి ట్రయిలర్, మలి ట్రయిలర్ అంటూ వీటితోనే సినిమా చూపించేలా వున్నారు ఆర్జీవీ. అలాగే పనిలో పనిగా ఆయన యూట్యూబ్ చానెల్ కు దండిగా ఆదాయం కూడా వస్తుంది.
అసలు సినిమా రెడీ అవుతోంది. 9 లేదా 11న సెన్సారు వుంటుంది. 15కు విడుదల అనుకున్నారు కానీ, కొంత పోస్ట్ ప్రొడక్షన్ వుండిపోవడంతో మళ్లీ 22కే వెళ్లాలని డిసైడ్ అయినట్లు తెలుస్తోంది.