Epaper
పాపం, హీరోలు ఇవ్వాళ, రేపు ఫ్యాన్స్ చెప్పినట్లే వినాల్సి వస్తోంది. అనిల్ రావిపూడి డైరక్షన్ లో మహేష్ చేయబోయే సినిమా కోసం సాయిపల్లవిని తీసుకోవాలన్నది డైరక్టర్ ఛాయిస్. ఈ మేరకు అనిల్ రావిపూడి చెన్నయ్ వెళ్లారు. సాయిపల్లవికి బ్రీఫ్ నెరేషన్ ఇచ్చారు. కానీ ఏ నిర్ణయం త్వరలో చెబుతాను అంటూ సమాధానం వచ్చింది.
కానీ ఈ విషయం బయటకు రాగానే సోషల్ మీడియాలో విపరీతంగా ట్రోలింగ్ జరిగింది. ఎందుకు మహేష్ అభిమానులకు కిట్టలేదో కానీ, సాయిపల్లవి హీరోయిన్ అంటే వన్ పర్సంట్ కూడా పాజిటివ్ బజ్ రాలేదు. దాంతో ఇక తప్పక, రష్మిక మడొన్నా దగ్గరకు వెళ్లిపోయారు. ముందుగానే ఆమెను కూడా ఓ ఆప్షన్ అనుకున్నారు. ఇప్పుడు ఆమే ఫైనల్ లిస్ట్ లోకి వచ్చింది.
ప్రస్తుతం రష్మిక భీష్మ సినిమాను నితిన్ సరసన ఓకె చేసింది. దర్శకుడు మారుతి కూడా తను సాయిధరమ్ తో చేయబోయే సినిమా కోసం ఆమెను తీసుకోవాలనుకున్నారు కానీ అగ్రిమెంట్ ఏమీ అయినట్లు లేదు. ఇప్పడు మహేష్ తో చాన్స్ వెదుక్కుంటూ వచ్చింది. ఛలో, గీతగోవిందం, దేవదాస్ ఇలా ఒక్కో మెట్టు ఎక్కుతూ ఇప్పుడు మహేష్ సరసకు వచ్చేసింది రష్మిక.
ఇదిలావుంటే సాయిపల్లవిని ట్రోలింగ్ కారణంగా తప్పించలేదని, ఆమె నో చెప్పిందని విశ్వసనీయ వర్గాల బోగట్టా. ఇటీవల పడి పడి లేచె మనసు ఫ్లాప్ కావడం, అలాగే ధనుష్ తో చేసిన మారన్ 2 అంతగా క్లిక్ కాకపోవడంతో ప్రస్తుతం ఏం చేయాలో అన్న పరిస్థితిలో సాయిపల్లవి చిక్కుకుందని తెలుస్తోంది.
అందుకే ప్రస్తుతం తాను చేయలేనని చెప్పేసిందని, దాంతో వేరే ఆప్షన్ లేక రష్మిక దగ్గరకు వెళ్లారని సమాచారం. వాస్తవానికి మహేష్ పక్కన రష్మిక సూట్ అవుతుందా? అన్న అనుమానాలు కూడా వ్యక్తం అవుతున్నాయి. అయితే సినిమాను మే నుంచి సెట్ మీదకు తీసుకెళ్లాలి కనుక, మరో చాయిస్ లేదని యూనిట్ భావిస్తున్నట్లు తెలుస్తోంది.