ఈరోజు నుంచి మళ్లీ సెట్స్ పైకి

క్రిస్మస్, న్యూ ఇయర్ సంబరాలు పూర్తయ్యాయి. ఈరోజు నుంచి మళ్లీ సెట్స్ పైకి రాబోతున్నాడు మహేష్. భరత్ అనే నేను సినిమాకు సంబంధించి ఫ్రెష్ షెడ్యూల్ ఇవాళ్టి నుంచి మొదలుకాబోతోంది. కొరటాల శివ ఈ సినిమాకు దర్శకుడు.

క్రిస్మస్, నూతన సంవత్సర వేడుకల కోసం లాంగ్ గ్యాప్ తీసుకున్నాడు మహేష్. కుటుంబ సభ్యులు, కొంతమంది బంధువులతో కలిసి పలు దేశాలు చుట్టివచ్చాడు. కొడుకు గౌతమ్ తో కలిసి ఒమన్ లో పారా గ్లైడింగ్ కూడా చేశాడు. అలా ఫుల్ గా హాలిడేస్ ఎంజాయ్ చేసి, మొన్ననే హైదరాబాద్ లో ల్యాండ్ అయ్యాడు. ఈరోజు నుంచి సెట్స్ పైకి రాబోతున్నాడు.

భరత్ అనే నేను సినిమాకు సంబంధించి తాజాగా తమిళనాడులోని కరైకుడిలో ఓ షెడ్యూల్ కంప్లీట్ చేశారు. కొత్త షెడ్యూల్  మాత్రం హైదరాబాద్ లోనే. సమ్మర్ ఎట్రాక్షన్ గా ఏప్రిల్ 27న సినిమా థియేటర్లలోకి రానుంది.

మరోవైపు ఈ సినిమా ఫస్ట్ లుక్ పై మేకర్స్ నుంచి ఎలాంటి క్లారిటీ రాలేదు. నూతన సంవత్సర కానుకగా డిసెంబర్ 31 రాత్రి లేదా జనవరి 1న ఫస్ట్ లుక్ రిలీజ్ చేస్తారంటూ వార్తలు వచ్చినప్పటికీ.. అలాంటిదేం జరగలేదు. ఇప్పుడు సంక్రాంతి పేరు గట్టిగా వినిపిస్తోంది. కనీసం సంక్రాంతికైనా ఫస్ట్ లుక్ రిలీజ్ చేస్తారేమో చూడాలి.