మళ్లీ తెరపైకి పవన్ కళ్యాణ్?

పవర్ స్టార్ అభిమానులకు ఇది శుభవార్త. పవర్ స్టార్ పవన్ కళ్యాణ్ మళ్లీ తెరపైకి రాబోతున్నారు. అయితే ఇది ఇప్పట్లో, ఇమ్మీడియట్ గా కాదు, అలా అని హీరోగా కాదు. ఓ ప్రత్యేక పాత్రలో ఆయన కనిపించబోతున్నారు.

జనసేన సన్నిహితుడు, నిర్మాత రామ్ తాళ్లూరి ఓ ప్రాజెక్టు టేకప్ చేసే ఆలోచనలో వున్నారు. ఈ ప్రాజెక్టులో వరుణ్ లేదా సాయిధరమ్ ల్లో ఒకరు హీరోగా వుండే అవకాశం వుంది. ఆ కథలో ఓ కీలకపాత్ర వుందట. హీరో కాదు. అలా అని ఫుల్ లెంగ్త్ కాదు. ఓ మాదిరి నిడివి వున్న పాత్ర అది.

ఆ పాత్రను పవన్ కళ్యాణ్ పోషిస్తారని తెలుస్తోంది. ఈ సినిమాకు బాబీ లేదా డాలీ డైరక్టర్ గా వుండే అవకాశం వుంది. ఈ ఇద్దరు డైరక్టర్లు పవన్ కళ్యాణ్ తో సినిమాలు చేసినవారే. ప్రస్తుతానికి మొగ్గదశలో వున్న ఈ ప్రాజెక్టు వివరాలు త్వరలో బయటకు వస్తాయి.

కానీ ఎన్నికల ముందు జనసేన అభిమానులను ఈ సినిమా అలరించే అవకాశం వుంటుందా అన్నది అనుమానం. ఎందుకంటే ఎన్నికలు ఇక ఎంతో దూరంలో లేవు కదా?

బిడ్డా రాస్కో.. తెలంగాణ‌లో అధికారం మాదే.. చదవండి ఈవారం గ్రేట్ ఆంధ్ర పేపర్