యువిలో నాగచైతన్య

టాలీవుడ్ లోని సక్సెస్ ఫుల్ సినిమా నిర్మాణ సంస్థల్లో ఒకటి యువి క్రియేషన్స్. ఏ హడావుడి చేయకుండా, వీలయినంత లోఫ్రొఫైల్ మెయింటెయిన్ చేస్తూ, సైలంట్ గా సినిమాలు తీసి, హిట్ కొడుతూ వస్తోంది. లేటెస్ట్ గా టాక్సీవాలాతో మరో హిట్ స్వంతం చేసుకుంది.

ఇప్పటి వరకు గీతా అనుబంధ జిఎ 2 సంస్థతో మాత్రమే చేతులు కలిపి సినిమాలు నిర్మించిన యువి క్రియేషన్స్ ఇప్పుడు మరో సంస్థతో కూడా చేతులు కలిపి సినిమా నిర్మించబోతోంది. ఘాజీ, క్షణం ఇంకా అనేక మంచి సినిమాలు పివిపి భాగస్వామ్యంతో తెరకెక్కించిన మాట్నీ ఎంటర్ టైన్ మెంట్ సంస్థతో కలిపి యువి క్రియేషన్స్ ఓ సినిమా చేయబోతున్నట్లు తెలుస్తోంది.

నిరంజన్ రెడ్డి ఈ సంస్థ అధినేత. ఇదే సంస్థ చిరంజీవి-కొరటాల శివ కాంబినేషన్ లో కూడా సినిమా ప్లాన్ చేసిన సంగతి తెలిసిందే. గతంలో యువిలో మంచి సినిమాలు అందించిన మేర్లపాక గాంధీ డైరక్షన్ లో మాట్నీ ఎంటర్ టైన్ మెంట్ తో కలిసి సినిమా నిర్మిస్తారు.

నాగచైతన్య హీరో. అవుట్ అండ్ అవుట్ ఎంటర్ టైన్ మెంట్ లైన్ లో సాగుతుందీ సినిమా. ప్రస్తుతం స్క్రిప్ట్ దశలో వుందీ సినిమా వ్యవహారం.

ఆసక్తిదాయకంగా 'పోల్‌ తెలంగాణ'… చదవండి ఈవారం గ్రేట్ ఆంధ్ర పేపర్