Epaper
సాధారణంగా త్రివిక్రమ్ యాక్టర్లతో ప్రయోగాలు చేయరు. బోయపాటి మాదిరిగా సడెన్ గా ఎవర్నో తీసుకువచ్చి విలన్ ను చేయడం, కెరీర్ మలుపుతిప్పేయడం లాంటి వ్యవహారాలకు ఆయన దూరం. పక్కాగా సరిపోతారు అనుకునే వాళ్లనే తీసుకుంటారు. ఒక్క సీనియర్ లేడీ క్యారెక్టర్లకే వెదికి వెదికి తీసుకువస్తారు.
అయితే ఈసారి మాత్రం కమెడియన్ పృధ్వీ కెరీర్ ను టర్న్ తిప్పేస్తాను అంటున్నారట త్రివిక్రమ్. పృధ్వీ వైవిధ్యం వున్న నటుడే. అందులో సందేహం లేదు. అలాంటి పృధ్వీని పక్కా విలన్ షేడ్ వున్న క్యారెక్టర్లో ఇంట్రడ్యూస్ చేసి చూపించబోతున్నాడట. ఈ మేరకు ఇప్పటికే వార్తలు గుప్పుమన్నాయి.
ఈ విషయాన్ని పృధ్వీ కూడా ధృవీకరిస్తున్నట్లు తెలుస్తోంది. త్రివిక్రమ్ మ్యాజిక్ టచ్ తో తన కెరీర్ మరో మలుపు తిరుగుతుందని పృధ్వీ భావిస్తున్నట్లు బోగట్టా. తేనెపూసిన కత్తి లాంటి విలనిజం వున్న క్యారెక్టర్ ను పృద్వీ కోసం త్రివిక్రమ్ సిద్దం చేసారట.
బన్నీ హీరోగా తయారయ్యే ఈ సినిమా త్వరలో పట్టాలు ఎక్కుతుంది. అసలే ఇలాంటి విలన్ ల కొరత టాలీవుడ్ కు వుంది. ఇది క్లిక్ అయితే ఫోసాని ప్లేస్ ను పృధ్వీ రీప్లేస్ చేసే అవకాశం వుంటుంది.