మెగా హీరో కుమ్మేస్తున్నాడంట

మెగా ఫ్యామిలీ నుంచి ఆల్రెడీ ముగ్గురు హీరోలు టాప్‌లో ఉండగా మరొకడు వస్తున్నాడంటే… సాధారణంగా ఫాన్స్‌ ఎక్సయిట్‌ కాకూడదు. కానీ నాగబాబు తనయుడు వరుణ్‌ తేజ్‌ మాత్రం చూడ్డంతోనే హీరో మెటీరియల్‌ అనిపించేయడంతో అతడిని ఇన్‌స్టంట్‌గా లైక్‌ చేసేస్తున్నారు. మెగా ఫ్యామిలీ నుంచి మరో స్టార్‌ వచ్చేసాడని ఫిక్స్‌ అయిపోతున్నారు. 

వరుణ్‌ తేజ్‌ ఎంట్రీ విషయంలో నాగబాబు అస్సలు కాంప్రమైజ్‌ కాలేదు. ప్రతి విషయాన్ని అతను చాలా జాగ్రత్తగా దగ్గరుండి చూసుకుని కొడుకుని శ్రీకాంత్‌ అడ్డాల చేతిలో పెట్టాడు. వరుణ్‌ తేజ్‌ చూడ్డానికి బానే ఉన్నాడు కానీ ఎలా చేస్తాడో అని ఒకింత అనుమానాలు దర్శకుడికి కలిగుంటాయి. కానీ వరుణ్‌తేజ్‌ దర్శకుడినే సర్‌ప్రైజ్‌ చేసేలా అదరగొట్టేస్తున్నాడట. 

వరుణ్‌ తేజ్‌ రాబోయే రోజుల్లో పెద్ద హీరో అవుతాడని శ్రీకాంత్‌ అడ్డాల కాన్ఫిడెంట్‌గా చెబుతున్నాడు. ఇప్పటికే మెగా హీరోలందరూ తెలుగు సినిమాని ఏలేస్తూ తమకి తిరుగులేదని అనిపించుకుంటూ ఉంటే ఇప్పుడు కొత్తగా మరో హీరో వచ్చేస్తున్నాడు. వీరికి తోడు చిరంజీవి కూడా రీఎంట్రీ ఇస్తాడని వార్తలు వస్తున్నాయి కాబట్టి వైరి హీరోలకి ఈ పంచ మెగా హీరోలతో పంచ్‌ తప్పదు!