Epaper
మనం ఓ మల్టీస్టారర్. దేవదాస్ మరోటి. వీటి కోవలోనే మరో సినిమా చేయబోతున్నాడు నాగార్జున. సూపర్ హిట్ సోగ్గాడే చిన్ని నాయనకు సీక్వెల్ కోసం ప్రయత్నిస్తున్న సంగతి తెలిసిందే. ఈ సినిమా వ్యవహారం ఒక కొలిక్కి వచ్చినట్లు తెలుస్తోంది.
సోగ్గాడే చిన్న నాయనా సినిమాకు రమ్యకృష్ణ-నాగ్ కాంబినేషన్ కీలకం. అందుకే ఈ బంగార్రాజు అనే సీక్వెల్ లో కూడా అదే కాంబినేషన్ రిపీట్ చేస్తున్నారు. ఈ సినిమాలో నాగచైతన్యకు మాంచి క్యారెక్టర్ సెట్ చేసారు. ఆ విధంగా స్టార్ కాస్ట్ మరింత పెరిగింది.
ఇప్పుడు చైతూ సరసన ఎవరు అనేది డిస్కషన్ లో వుంది. క్రేజీ హీరోయిన్ ను ఎవరినన్నా తీసుకోవడమా? సమంతను తీసుకోవడమా? అన్నది డిస్కషన్ లో వున్నా, ఇప్పుడే ఓ సినిమా ఇద్దరు కలిసి చేస్తున్నందున, వేరే హీరోయిన్ ను ఎవరినన్నా తీసుకోవాలని చూస్తున్నారు.
ఇదొక్కటి ఫైనల్ కాగానే, త్వరలో అనౌన్స్ మెంట్ చేసే పనిలో వుంది నాగ్ టీమ్.