Epaper
తమకు హాలీవుడ్ సినిమాల్లో అవకాశాలు వస్తున్నాయని.. కొంతమంది బాలీవుడ్ హీరోయిన్లు గంతులేస్తున్నారు. హాలీవుడ్ తమకు రెడ్ కార్పేట్ వేసిందని వీరు తెగ ఇదైపోతున్నారు! మీడియా కూడా వీరి అదృష్టం గురించి కథలు, కథలుగా రాస్తోంది! దీపికా పదుకునే, ప్రియాంకా చోప్రా వంటి వారి విషయంలో ఈ మధ్య ఇలాంటి హడావుడి ఎక్కువగా ఉంది. హాలీవుడ్ వీరికి ఇచ్చిన గుర్తింపు దేశంలోనే పెద్ద చర్చనీయాంశంగా మారింది. మరి ఇలాంటి సందర్భంలో ఎగిరెగిరి పడుతున్న ఇలాంటి వాళ్ల కన్నా.. ఐశ్వర్యరాయ్ చాలా గ్రేట్ అని అంటోంది బాలీవుడ్ లోని ఒక వర్గం!
ఇప్పుడు ఈ భామలు హాలీవుడ్ ఆఫర్ల పట్ల తెగ ఇదైపో తున్నారని.. ఇలాంటి అవకాశాలు భారత హీరోయిన్లకు కొత్తేమీ కాదని, ప్రత్యేకించి ఇంతకన్నా ప్రతిష్టాత్మకమైన వాటిని తిరస్కరించిన వారు కూడా ఉన్నారని వీరు గుర్తు చేస్తున్నారు. ఐశ్వర్యరాయ్ కు అయితే ఎప్పుడో ఇలాంటి అవకాశాలు వచ్చాయని అయితే ఆమె వాటిని పట్టించుకోలేదని అంటున్నారు. ఐష్ కు దక్కిన ఆ ప్రతిష్టాత్మక పాత్ర 'ట్రాయ్' సినిమాలోని 'హెలెన్' పాత్ర. హాలీవుడ్ చరిత్రలోని గొప్ప చిత్రాల్లో ఒకటి అయిన ట్రాయ్ లో ముందుగా హెలెన్ పాత్రకు ఐష్ ను అనుకున్నారట. ఈ విషయంలో సంప్రదింపులు కూడా జరిగాయి.
అయితే గ్రీకుల, ట్రోజన్లకు సంబంధించిన ఆ పురాణగాథ ప్రకారం కొన్ని సీన్లలో హెలెన్ నగ్నంగా కనిపించాల్సి ఉంటుంది! హాలీవుడ్ సినిమాల్లో అలాంటి సీన్లకు లోటు ఉండదు కూడా. ఈ నేపథ్యంలో అలానే తెరకెక్కిస్తామని.. నగ్నంగా నటించడానికి మొహమాట పడకూడదని.. ఐష్ కు ఆ సినిమా రూపకర్తలు నిర్మొహమాటంగా చెప్పేశారు. అయితే ఎంత హాలీవుడ్ అయినా.. అలా నగ్నంగా నటించడం భారతీయ మహిళలకు సులువు కాదు. అందుకే ఐష్ మరో ఆలోచన లేకుండా ఆ ప్రతిష్టాత్మక ప్రాజెక్టు నుంచి వైదొలిగింది. ఆ తర్వాత సినిమాలోని ఆ కీలక పాత్ర హాలీవుడ్ నటి డయాన్ క్రూజర్ దక్కించుకుంది! మరి ఇప్పుడు హాలీవుడ్ లో అవకాశాలు పొందుతన్న వారికన్నా ఐశ్వర్య చాలా గొప్పే కదా!