నిఖిల్ వైపు ఇంద్రగంటి మొగ్గు?

దిల్ రాజు కోసం ఓ స్క్రిప్ట్ సిద్దం చేసారు దర్శకుడు ఇంద్రగంటి. అయితే ఆ స్క్రిప్ట్ చిన్న సైజు మల్లీ స్టారర్. ఇప్పటికే నానిని ఓ హీరోగా అనుకున్నారు. అధికారికంగా అనౌన్స్ చేయలేదు. కానీ అది ఫిక్స్ అన్నది దిల్ రాజు కాంపౌండ్ నుంచి వినిపిస్తున్న కబుర్ల ద్వారా తెలుస్తోంది. రెండో హీరో కోసం వెదుకులాట సాగుతోందని నిన్నటి వరకు వినిపించింది.

అయితే లేటెస్ట్ గా తెలుస్తున్నది ఏమిటంటే, హీరో నిఖిల్ ను రెండో హీరోగా తీసుకోవాలని ఇంద్రగంటి భావిస్తున్నారట. ఇంద్రగంటి గతంలోనే నిఖిల్ తో ఓ సినిమా చేసే ప్రయత్నం జరిగింది. వారాహి సంస్థ బ్యానర్ లో సినిమా డిస్కషన్లు జరిగాయి కానీ మెటీరియలైజ్ కాలేదు. దిల్ రాజు కూడా నిఖిల్ తో ఓ సినిమా చేసే ఆలోచనలో వున్నారు. గత కొంతకాలంగా దానిమీద మాటలు జరిగాయి.

అందువల్ల ఈసారి పక్కాగా నిఖిల్-నాని, ఇంద్రగంటిల కాంబినేషన్ వుండే సూచనలు కనిపిస్తున్నాయి. నానితో పాటు నిఖిల్ కాకుండా ఇంకా పెద్ద హీరోను తీసుకుందామన్న ఆలోచన వుందో లేదో తెలియదు. కానీ వున్నా, ప్రయోజనం అయితే లేదు. ఎందుకంటే ఇప్పటికిప్పుడు హీరోలు ఎవ్వరూ రెడీగా లేరు. 

వాస్తవానికి నిఖిల్ కూడా ముద్ర ఫినిష్ చేసి, శ్వాస సినిమాను టేకప్ చేసాడు. దాని తరువాతే ఈ సినిమా చేయాల్సి వుంటుంది.

కులం చెడ్డా సుఖం దక్కుతోందా! చదవండి ఈవారం గ్రేట్ ఆంధ్ర పేపర్