పరుశురామ్ కు హీరో ఫిక్స్

గీతాఆర్ట్స్ చాలా జోరు మీద వుంది. గీతగోవిందం సినిమా హిట్ అన్నది మెగా క్యాంప్ లో మాంచి ఉత్సాహాన్ని నింపింది. ఆ స్పీడ్ లోనో మరో సినిమా పరుశురామ్ తో వుంటుందని ప్రకటించేసారు. కానీ పరుశురామ్ అడ్వాన్స్ లు తీసుకున్నవారు వేరే చాలామందే వున్నారు. వీళ్లు పరుశురామ్ ను కాంట్రాక్ట్ చేసి, హీరోను సెట్ చేసుకుని, కథ ఓకె చేయించుకునే లోగా ప్రాజెక్టు కూడా అనౌన్స్ చేసే హడావుడిలో వుంది గీతాఆర్ట్స్ సంస్థ.

అందుకోసం వాళ్లు ముందు నుంచే వరుణ్ తేజ్ ను అనుకుంటున్నారు. ఇప్పుడు అదే ఫిక్స్ అయ్యారు. వరుణ్ తేజ్ తో మాంచి ఫ్యామిలీ ఎంటర్ టైనర్ చేయాలని గీతాసంస్థ డిసైడ్ అయింది. ఈ ప్రాజెక్టును త్వరగా ప్రకటించి, త్వరగా పూర్తి చేయాలని ప్లాన్ చేస్తున్నారు. అలా అయితే పరుశురామ్ కు మిగిలిన కమిట్ మెంట్ లతో ఇబ్బందిరాదు అని ఆలోచన చేస్తున్నారు.

వరుణ్ తేజ్ ప్రస్తుతం చేస్తున్న ప్రాజెక్టులు పూర్తికావస్తున్నాయి. సో, వెంటనే పట్టాలు ఎక్కించేస్తే, నాలుగు నెలల్లో ఫినిష్ చేసి, పరుశురామ్ ను ఫ్రీ చేసేయవచ్చని లెక్క వేస్తున్నారు. పరుశురామ్ కూడా నాలుగు నెల్లలో వస్తానని, చేస్తానని, ముంచు ఫ్యామిలీని ఒప్పించే ఆలోచనలో వున్నట్లుబోగట్టా.