Epaper
సెప్టెంబర్‌ 2న పవన్‌కళ్యాణ్‌ పుట్టినరోజు.. అదే రోజున, పవన్‌కళ్యాణ్‌ తాజా చిత్రం ఫస్ట్‌ లుక్‌ని విడుదల చేసేందుకు చిత్ర దర్శక నిర్మాతలు సన్నాహాలు చేస్తున్నారు. ఇదిగో అదిగో.. అంటూ ఇప్పటిదాకా సినిమా సెట్స్‌ మీదకు వెళ్ళడం వాయిదా పడినా, అనూహ్యంగా సినిమా షూటింగ్‌ పట్టాలెక్కేసింది. ప్రస్తుతానికైతే 'మమ' అన్పించేసినా, సినిమా షూటింగ్‌ని శరవేగంగా పూర్తి చేసేస్తారన్నది ఇన్‌సైడ్‌ సోర్సెస్‌ కథనం.
మరోపక్క, ఈ సినిమా కథేంటి.? అన్నదానిపై ఇంకా క్లారిటీ లేదు. తమిళ సినిమా 'వీరమ్‌'ని తెలుగులోకి రీమేక్‌ చేస్తున్నారన్న ఊహాగానాలు విన్పిస్తున్నాయి. 'వీరమ్‌'లో అజిత్‌, తెల్ల గడ్డంతో, పంచెకట్టుతో కనిపిస్తాడు. కాస్త ఏజ్‌డ్‌ గెటప్‌ అది. కానీ చాలా పవర్‌ఫుల్‌గా వుంటుంది అజిత్‌ పాత్ర ఆ సినిమాలో.
ఇక, పవన్‌ నటిస్తున్న సినిమా విషయానికొస్తే, ఇందులో శృతిహాసన్‌ హీరోయిన్‌గా ఖరారయ్యింది. వీరిద్దరి కాంబినేషన్‌లో గతంలో 'గబ్బర్‌సింగ్‌' సినిమా రావడం, అది పెద్ద విజయం సాధించడం తెల్సిన విషయాలే. 'గోపాల గోపాల' ఫేం డాలీ దర్శకత్వంలో రూపొందుతున్న ఈ చిత్రానికి పవన్‌కళ్యాణ్‌ స్నేహితుడు శరద్‌ మరార్‌ నిర్మాత. అన్నట్టు, టైటిల్‌ లేకుండా ఫస్ట్‌ లుక్‌ని చిరంజీవి పుట్టినరోజుకీ, టైటిల్‌తో కూడిన ఫస్ట్‌ లుక్‌ని పవన్‌ పుట్టిరోజుకీ విడుదల చేయాలనే ఆలోచన కూడా చేస్తున్నారట డాలీ, శరద్‌ మరార్‌. ఆ లుక్‌ రివీలయితే తప్ప, సినిమా కథేంటన్నదానిపై క్లారిటీ రాదు.