పవన్ కళ్యాణ్ కు మరో అడ్వాన్స్

పవర్ స్టార్ పవన్ కళ్యాణ్ ఇక చకచకా సినిమాలు చేయాలనే డిసైడ్ అయిపోయినట్లు కనిపిస్తోంది. ఇప్పటికే హారిక హాసినికి ఓ సినిమా చేస్తున్నారు. ఆపైన మైత్రీ మూవీస్ కు సంతోష్ శ్రీనివాస్ డైరక్షన్ లో సినిమా చేయాలి. ఆ తరువాత ఎఎమ్ రత్నం నిర్మాణంలో సినిమా వుంటుందా? ఉండదా? అన్నదానిపై క్లారిటీ అయితే లేదు. 2018 తరువాత పవన్ సినిమాలకు గ్యాప్ ఇచ్చి, జనసేన, ఎన్నికలు తదితర వ్యవహారాలపై దృష్టి పెడతారనే అందరూ అనుకుంటున్నది.

కానీ మైత్రీ సినిమా తరువాత కూడా ఓ సినిమా చేసే ఆలోచనలో పవన్ వున్నట్లు తెలుస్తోంది. నిర్మాత వెంకట్ బోయనపల్లి ఈ మేరకు పవన్ ను ఒప్పించడానికి ట్రయ్ చేస్తున్నట్లు తెలుస్తోంది. కొద్ది రోజుల్లో ఏ విషయం తేలుతుంది.

జనవరి తరువాత మైత్రీ సినిమా ప్రారంభం అవుతుందీ అనుకుంటే, 2019 జనవరి నాటికి కానీ మరో సినిమా పూర్తి కాదు. ఒకవేళ ఎఎమ్ రత్నం సినిమా కూడా వుంటే 2019 సమ్మర్ వరకు కూడా పవన్ బిజీగానే వుండాల్సి వస్తుంది.

మరి జనసేన, ఎన్నికలు వుండగా పవన్ ఇలా సినిమాలు ఓకె చేస్తున్నారు అంటే ఆయన అయిడియా ఏమిటో? అన్నది ఎవరికీ తెలియదు. బహుశా ఇలా ఓ పక్క సినిమాలు చేస్తూనే, ఇలా పార్ట్ టైమ్ గా రాజకీయాలు చేయాలని అనుకుంటున్నారేమో? అప్పుడు ఇక జనసేన స్వతంత్రంగా పోటీ చేయడం అన్నది వుండదు. ఎవరో ఒకరికి మద్దతు ఇచ్చుకోవడం తప్ప.