పవన్ లాయర్ సాబ్..ప్రభాస్ రాధేశ్వామ్

రెండు కీలక సినిమాలకు టైటిళ్లు ఫిక్స్ అయిపోయాయి. ఈ సంగతి ఈ రోజు కొన్ని టైటిళ్లు రిజిస్టర్ కాగానే బయటకు వచ్చాయి. అయితే ఇక్కడ చిన్న అనుమానం ఇంకా మిగిలి వుంది. దిల్ రాజు బ్యానర్ మీద వకీల్ సాబ్ అనే టైటిల్ రిజిస్టర్ అయింది. దాంతో సహజంగానే పింక్ రీమేక్ కు ఇదే టైటిల్ అని జనాలు ఫిక్స్ అయిపోయారు. 

కానీ విషయం ఏమిటంటే పవన్ నటిస్తున్న పింక్ రీమేక్ టైటిల్ ఇది కాదు. లాయర్ సాబ్ అన్నదే టైటిల్. వకీల్ సాబ్ అన్నది అదనంగా వుంటుందని రిజిస్టర్ చేసారంతే. అలాగే ఇంకో వ్యవహారం కూడా వుంది. ప్రభాస్-రాధాకృష్ణ సినిమాకు జాన్ టైటిల్ అనుకున్నారు. అది కాస్తా దిల్ రాజుకు ఇచ్చేసారు.ఇప్పుడు మరో టైటిల్ కావాలి. అందుకే రాధేశ్వామ్, ఓ డియర్ అనే టైటిళ్లు రిజిస్టర్ చేసారు.

కానీ విశ్వసనీయ వర్గాల సమాచారం ప్రకారం రాధేశ్వామ్ అన్నదే టైటిల్ గా ఫిక్స్ చేసారు. ప్రభాస్-రాధాకృష్ణల కాంబో లవ్ స్టోరీకి రాధేశ్వామ్ అన్నది బాగుంటుందని, పైగా బాలీవుడ్ లో కూడా రాధేశ్వామ్ అన్నది బాగా పాపులర్ టైటిల్ అవుతుందని దాన్నే ఫిక్స్ చేసారు. 

ఆ విధంగా రెండు కీలక చిత్రాలకు రెండు టైటిళ్లు ఫిక్స్ అయ్యాయి.