పిడుగు పడేసిన పవన్‌కళ్యాణ్‌

‘గబ్బర్‌సింగ్‌ 2’ ప్రాజెక్ట్‌ ఉంటుందా ఉండదా అనే డౌట్‌ చాలా కాలం పాటు వ్యక్తమయింది. అయితే ఆ సస్పెన్స్‌కి తెర దించుతూ గబ్బర్‌సింగ్‌ 2 చిత్రానికి పూజా కార్యక్రమం నిర్వహించారు. షూటింగ్‌ మాత్రం ఎన్నికల తర్వాత మొదలు పెట్టాలని అనుకున్నారు. పవన్‌ పాలిటిక్స్‌ నుంచి ఫ్రీ అవగానే గబ్బర్‌సింగ్‌ టైమ్‌ స్టార్ట్‌ అవుతుందని అనుకుంటే… ముందుగా గోపాల గోపాల చిత్రాన్ని మొదలు పెట్టాడు. 

గబ్బర్‌సింగ్‌ 2 చిత్రాన్ని త్వరలోనే మొదలు పెడతాడంటూ వార్తలు వస్తూనే ఉన్నాయి. అయితే ఈ చిత్రం ఉండదనేది లేటెస్ట్‌ హాట్‌ న్యూస్‌. కారణాలు ఏమిటో కానీ ఈ చిత్రం చేయకూడదని పవన్‌ ఫిక్స్‌ అయ్యాడట. దీని స్థానంలో అదే నిర్మాతకి వేరే సినిమా చేసి పెడతాడట. ఇంకా దర్శకుడు ఎవరనేది ఖరారు కాలేదు కానీ సంపత్‌ నందితో అయితే ఉండదని తేలింది. 

గబ్బర్‌సింగ్‌ 2 త్వరలోనే స్టార్ట్‌ అవుతుందని వెయిట్‌ చేస్తున్న ఫాన్స్‌కి పవన్‌ ఊహించని షాకిచ్చాడు. రచ్చ తర్వాత రెండేళ్ల పాటు ఏ సినిమా చేయకుండా ఇది మొదలవుతుందని వేచి చూసిన దర్శకుడు సంపత్‌ నంది మరిప్పుడు ఏ హీరో దగ్గరకు వెళతాడో?