ప్రభాస్ సినిమాకు శంకర్ ఎహసాన్ లాయ్?

చాన్నాళ్ల తరవాత హీరో ప్రభాస్ చేయబోయే రెగ్యులర్ జోనర్ సినిమా కోసం భారీ ప్రీ ప్రొడక్షన్ ఏర్పాట్లు జరుగుతున్నాయి. మార్చి నుంచి సెట్స్ మీదకు వెళ్లే ఈ సినిమాకు సుజిత్ దర్శకుడన్న సంగతి తెలిసిందే. భారీ బడ్జెట్ తో రూపొందే ఈ సినిమా కోసం కాస్టింగ్, టెక్నికల్ టీమ్ వగైరా జనాల ఎంపికపై కసరత్తు సాగుతోంది. 

జనవరి నెలాఖరులోగా అగ్రిమెంట్లు ఫైనల్ చేసుకునే ప్రయత్నంలో వున్నారు. ఈ సినిమాగు సంగీత దర్శకుడిగా బాలీవుడ్ పర్సన్ ను ఎంపిక చేయాలని డిసైడ్ అయ్యారు. సినిమాను అన్ని భాషల్లో విడుదల చేస్తారు కాబట్టి, మాంచి బలమైన టీమ్ కోసం డిస్కషన్లు సాగుతున్నాయి. 

మ్యూజిక్ డైరక్టర్ గా శంకర్-ఎహసాన్-లాయ్ లను నియమించాలని అనుకుంటున్నారు. మరో ఒకటి రెండు పేర్లు కూడా డిస్కషన్ లో వున్నాయి, కానీ శంకర్ - ఎహసాన్ - లాయ్ ల వైపే ప్రభాస్ టీమ్ మొగ్గు చూపుతున్నట్లు వినికిడి. వీరు గతంలో తెలుగులో కొంచెం ఇష్టం కొంచెం కష్టం సినిమాకు సంగీతం అందించారు. మరి కొద్ది రోజుల్లో అన్నీ ఫైనల్ అవుతాయని యూనిట్ వర్గాల బోగట్టా.