ప్రకాష్ రాజ్ ను వదల్లేదు

ఆగడు టీమ్ కు నటుడు ప్రకాష్ రాజ్ కు మధ్య గొడవయిన సంగతి తెలిసిందే. ఈ నేపథ్యంలో ప్రకాష్ రాజ్ ఆ సినిమా నుంచి తప్పుకున్నారు కూడా. ఓ అసిస్టెంట్ డైరక్టర్ కు ప్రకాష్ రాజ్ కు నడుమ గొడవలు వచ్చినా, వాస్తవానికి శ్రీనువైట్లతోనే గొడవ అని వార్తలు వినవచ్చాయి. 

ఈ వార్తలు నిజం అనేలా ప్రకాష్ రాజ్ ఓ విలేకరుల సమావేశం పెట్టి మరీ మాట్లాడారు. ఈ వ్యవహారం అంతటి వెనుక ఓ వ్యక్తి వున్నారని ఆయన అప్పట్లో చెప్పారు. అక్కడితో ఆగకుండా ప్రకాష్ రాజ్ ఆ రోజు ప్రెస్ మీట్ లో చిన్న కవిత కూడా వినిపించారు. నా మీద రాళ్లేయకు..వాటితోనే కోట కట్టకుంటా అంటూ మొదలవుతుందా నాలుగైదు లైన్ల కవిత. 

చిత్రంగా ఆగడు సినిమా విలన్ నోట అదే కవితను చెప్పించేసాడు శ్రీనువైట్ల. యాజిటీజ్ గా ఆ కవితను వాడేసి పరోక్షంగా మరోసారి ప్రకాష్ రాజ్ ను గిల్లాడు. ఇప్పుడు ఆయనేం  స్పందిస్తాడో?