పూరి జగన్నాధ్ తో నారా రోహిత్

సరైన బ్రేక్ కోసం ఎదురుచూస్తున్నాడు నారా రోహిత్. వైవిధ్యమైన కథలు ఎంచుకుంటున్నాడు.. చేస్తున్నాడు..కానీ ఎక్కడో చిన్న లోపం.. సరైన బ్లాక్ బస్టర్ పడడం లేదు.. మీడయం రేంజ్ నుంచి పైకి వెళ్లాలని ప్రయత్నం అలాగే వుంది.. అందుకే ఈ సారి సరైన ప్రాజెక్ట్ సెట్ చేసుకోవాలని చూస్తున్నాడు. ఇందుకోసం హీరోయిజం ను సరిగ్గా ఎలివేట్ చేసే దర్శకుడు పూరి జగన్నాధ్ ను ఎంచుకున్నట్లు తెలుస్తోంది. 

ప్రస్తుతం ఈ మేరకు సినిమా డిస్కషన్ల స్టేజ్ లో వుందని తెలుస్తోంది. ప్రస్తుతం పూరి కన్నడ సినిమా చేస్తున్నాడు. అది పూర్తయ్యాక కళ్యాణ్ రామ్ సినిమా వుంది. ఆ తరువాత మరో తెలుగు సినిమా డిస్కషన్ లో వుంది. అది కాకుండా నారా రోహిత్ సినిమా డిస్కషన్ లోకి వచ్చింది. అంటే మళ్లీ పూరి ఫుల్ బిజీ అయ్యేటట్లే కనిపిస్తున్నాడు.