Epaper
దిగ్దర్శకుడు రాజమౌళి కొడుకు కార్తికేయది ఒక వ్యవహారం కాదు. చాలా వ్యాపారాలు, చాలా వ్యాపకాలు. ఆ మధ్య చైతన్య 'యుద్ధం శరణం' నిర్మాణ బాధ్యతలు కూడా మోసారు. ఇప్పుడు ఆయనే నిర్మాతగా మారిపోయారు. ఆకాశవాణి అనే పేరుతో సినిమా నిర్మిస్తున్నారు. రాజమౌళి దగ్గర చిరకాలం పనిచేసిన ఓ అసోసియేట్ డైరక్షన్లో సినిమా నిర్మిస్తున్నట్లు తెలుస్తోంది. సినిమా కాస్టింగ్, నిర్మాణ వ్యవహారాలు అన్నీ డార్క్ లో వుంచి సైలంట్ గా పని చేస్తున్నట్లు తెలుస్తోంది.
మొత్తం పూర్తయిన తరువాత ఈ సినిమా విషయాలు బయటకు తెస్తారని వినికిడి. కార్తికేయ గతంలో డైరక్షన్ డిపార్ట్ మెంట్ లో కూడా పనిచేసారు. బాహుబలి టైమ్ లో రాజమౌళికి సహాయంగా వున్నారు. ఇప్పుడు ఆ అనుభవంతోనే మాంచి కథను ఎంచుకుని, డైరక్టర్ సాయం తీసుకుని, సినిమాను నిర్మిస్తున్నట్లు తెలుస్తోంది.
సినిమా ఎప్పుడు రెడీ అయినా, రాజమౌళి కొడుకు సినిమా అంటే ఆటోమెటిక్ గా క్రేజ్, బజ్ వస్తుంది. అందువల్ల ఇప్పట్లో వివరాలు బయటకు చెప్పకపోయినా నష్టంలేదు.